ನಮ್ಮ ದೇಹದಲ್ಲಿ ಆರೋಗ್ಯಯುತ ಕೆಂಪು ರಕ್ತ ಕಣಗಳ ಸಂಖ್ಯೆ ಕಡಿಮೆ ಇರುವುದನ್ನು ಅನೀಮಿಯ ಎನ್ನುತ್ತಾರೆ. ಮನುಷ್ಯನ ಆರೋಗ್ಯಯುತ ಜೀವನಕ್ಕೆ ಈ ಕೆಂಪು ರಕ್ತಕಣಗಳು ಬಹಳ ಮುಖ್ಯ. ಇವುಗಳು ಕಡಿಮೆಯಾದರೆ ನಾವು ಹಲವಾರು ತೊಂದರೆಗಳನ್ನು ಎದುರಿಸಬೇಕಾಗುತ್ತದೆ.
ನಮ್ಮ ದೇಹಕ್ಕೆ ಹಲವಾರು ಕಾರಣಗಳಿಂದ ಅನೀಮಿಯದ ಕೊರತೆ ಉಂಟಾಗುತ್ತದೆ. ನಾವು ಬಹಳ ಜಾಗರೂಕರಾಗಿ ಆಹಾರಗಳನ್ನು ಸೇವಿಸಬೇಕಾಗುತ್ತದೆ ಎಂದು ಕಾಕುಂಜೆ ಆರ್ಯುವೇದಿಕ್ ವೆಲ್ಲ್ ನೆಸ್ ಕ್ಲಿನಿಕ್ನ ವೈದ್ಯೆ ಡಾ. ಅನುರಾಧ ಹೇಳುತ್ತಾರೆ.
ನಮ್ಮ ದೇಹಕ್ಕೆ ಆಹಾರದ ಕೊರತೆಯಿಂದಾಗಿ ಬರುವ ಅನೀಮಿಯದ ಬಗ್ಗೆ ತಿಳಿದುಕೊಳ್ಳೂಣ.
ಆಹಾರದಲ್ಲಿ ಕಬ್ಬಿಣದ ಸತ್ವ, ಬಿ12, ಫೋಲಿಡ್ ಅಂಶಗಳ ಕಡಿಮೆ ಇರುವುದರಿಂದ ನ್ಯೂಟ್ರೀಶಿಯಲ್ ಅನೀಮಿಯ ಕಾಯಿಲೆ ಉಂಟಾಗುತ್ತದೆ.ನಮ್ಮ ದೇಹದಲ್ಲಿ ಅನೀಮಿಯ ಕೊರತೆ ಉಂಟಾದಾಗ ನಮ್ಮ ದೇಹಕ್ಕೆ ಆಯಾಸ, ತಲೆ ತಿರುಗುವಿಕೆ, ತಲೆನೋವು, ಕೈಕಾಲು ತಣ್ಣಗಾಗುವುದು ಮುಂತಾದ ಲಕ್ಷಣಗಳು ಕಂಡುಬಂದರೆ ಪರೀಕ್ಷೆ ಮಾಡಿಸಿಕೊಂಡು ಇದು ಆಹಾರ ಕೊರತೆಯಿಂದಾಗಿ ಉಂಟಾಗಿದೆಯೋ ಅಥವಾ ಬೇರೆ ಕಾರಣಗಳಿಂದ ಉಂಟಾಗಿದೆಯೋ ಎಂದುತಿಳಿದುಕೊಂಡು ಅದಕ್ಕೆ ಬೇಕಾದ ಸೂಕ್ತ ಕ್ರಮಗಳನ್ನು ತೆಗೆದುಕೊಳ್ಳುವುದು ಉತ್ತಮ.
ನ್ಯೂಟ್ರೀಶಿಯಲ್ ಅನೀಮಿಯ ಉಂಟಾಗಿದ್ದರೆ ನಮ್ಮ ಆಹಾರದಲ್ಲಿ ಕಬ್ಬಿಣದ ಅಂಶ, ವೈಟಮಿನ್ ಬಿ12, ಇರುವಂತಹ ಆಹಾರಗಳಾದ ಬಿಟ್ರೋಟ್, ಬೀನ್ಸ್, ಬಟಾಣಿ, ಪಾಲಕ್ ಸೊಪ್ಪು, ಎಳ್ಳು, ಅಣಬೆ, ಬಟಾಟೆ ಹಾಗೂ ಒಣ ದ್ರಾಕ್ಷಿ, ಖರ್ಜೂರ ಇತ್ಯಾದಿಗಳನ್ನು ತೆಗೆದುಕೊಳ್ಳಬಹುದು. ಇವುಗಳ ಜೊತೆಗೆ ಸಕ್ಕರೆಯ ಬದಲು ಜೋನಿಬೆಲ್ಲ ಉಪಯೋಗಿಸಿಬಹುದು.