ಮುಂಬೈ: ದೇಶದಲ್ಲಿ ದಿನೇ ದಿನೇ ಸೈಬರ್ ಕ್ರೈಂಗಳು ಹೆಚ್ಚಾಗುತ್ತಿದ್ದು, ಅದರಲ್ಲೂ ಆನ್ಲೈನ್ ಖರೀದಿಯಲ್ಲಿ ಆಗುವ ಮೋಸಗಳು ಒಂದೆರೆಡಲ್ಲ, ಆನ್ಲೈನ್ ಮೂಲಕ ವಸ್ತುಗಳನ್ನು ಖರೀದಿ ಮಾಡಿ ಮೋಸಕ್ಕೊಳಗಾಗುವುದು ಇದೀಗ ಸರ್ವೇ ಸಾಮಾನ್ಯವಾಗಿದೆ.
ಮುಂಬೈನಲ್ಲಿ ಇಂತಹದೇ ಒಂದು ಪ್ರಕರಣ ನಡೆದಿದೆ. ಮಹಿಳಾ ವೈದ್ಯರೊಬ್ಬರು ಆನ್ಲೈನ್ನಲ್ಲಿ ಲಿಪ್ ಸ್ಟಿಕ್ ಆರ್ಡರ್ ಮಾಡಿ ಮೋಸ ಹೋಗಿದ್ದಾರೆ. 1 ಲಕ್ಷ ರೂ. ಕೊಟ್ಟು ಒಂದು ಲಿಪ್ ಸ್ಟಿಕ್ನ್ನು ಆನ್ಲೈನ್ನಲ್ಲಿ ಖರೀದಿ ಮಾಡಿದ್ದು ಆದರೆ ಲಿಪ್ ಸ್ಟಿಕ್ನ ಮೂಲ ಬೆಲೆ 300 ರೂ. ಆಗಿದೆ.
ಮುಂಬೈನಲ್ಲಿ ವಾಸವರಿರುವ ವೈದ್ಯರು ನವೆಂಬರ್ 2 ರಂದು ಇ-ಕಾಮರ್ಸ್ ಪೋರ್ಟಲ್ನಲ್ಲಿ ಲಿಪ್ಸ್ಟಿಕ್ ಆರ್ಡರ್ ಮಾಡಿದ್ದರು. ಕೆಲವು ದಿನಗಳ ನಂತರ, ನಿಮ್ಮ ಲಿಪ್ಸ್ಟಿಕ್ ಅನ್ನು ತಲುಪಿಸಲಾಗಿದೆ ಎಂದು ವೈದ್ಯರಿಗೆ ಕೊರಿಯರ್ ಕಂಪನಿಯಿಂದ ಸಂದೇಶ ಬಂದಿತು. ಆದರೆ ಮಹಿಳೆಗೆ ಲಿಪ್ ಸ್ಟಿಕ್ ಸಿಗದ ಕಾರಣ ಕೊರಿಯರ್ ಕಂಪನಿಯನ್ನು ಸಂಪರ್ಕಿಸಿ ವಿಚಾರಿಸಿದ್ದಾರೆ. ನಂತರ ನಮ್ಮ ಕಸ್ಟಮರ್ ಕೇರ್ ಪ್ರತಿನಿಧಿ ನಿಮ್ಮನ್ನು ಸಂಪರ್ಕಿಸಿದ್ದಾರೆ ಎಂದು ಕೊರಿಯರ್ ಕಂಪನಿ ಎಂದು ಹೇಳಿದ್ದಾರೆ.
ನಂತರ ವೈದ್ಯರಿಗೆ ಒಂದು ಫೋನ್ ಬರುತ್ತದೆ, ನಿಮ್ಮ ಆರ್ಡರ್ನ್ನು ತಲುಪಿಸಲು 2 ಸಾವಿರ ನೀಡಬೇಕು ಎಂದು ಹೇಳಿದ್ದಾರೆ. ಆದರೆ ಇದಕ್ಕೆ ವೈದ್ಯೆ ನಿರಕಾರಿಸಿದ್ದಾರೆ. ನಂತರ ಒಂದು ವೆಬ್ ಲಿಂಕ್ ಬರುತ್ತದೆ. ಅದರಲ್ಲಿ ಬ್ಯಾಂಕ್ ವಿವರಗಳನ್ನು ಕೇಳಲಾಗಿದೆ. ವೈದ್ಯೆ ಎಲ್ಲ ವಿವರಗಳನ್ನು ಭರ್ತಿ ಮಾಡಿದ್ದಾರೆ. ಆಕೆಗೆ ಒಂದು ಭಿಪ್ ಯುಪಿಐ ಲಿಂಕ್ ರಚಿಸುವ ಕುರಿತು ಸಂದೇಶ ಬಂದಿದೆ. ಇನ್ನು ಪಾರ್ಸೆಲ್ ಬಗ್ಗೆ ಆಕೆ ಕರೆ ಮಾಡಿದವರಲ್ಲಿ ಕೇಳಿದಾಗ, ನಿಮ್ಮ ಪಾರ್ಸೆಲ್ನ್ನು ತಕ್ಷಣದಲ್ಲಿ ಡೆಲಿವರಿ ಮಾಡಲಾಗುವುದು ಎಂದು ಹೇಳಿದ್ದಾರೆ.
ನವೆಂಬರ್ 9ರಂದು ವೈದ್ಯೆಯ ಖಾತೆಯಿಂದ ಮೊದಲು 95 ಸಾವಿರ ನಂತರ 5 ಸಾವಿರ, ಒಟ್ಟು ಒಂದ ಲಕ್ಷ ಡೆಬಿಟ್ ಆಗಿದೆ. ಇದರಿಂದ ಕಕ್ಕಾಬಿಕ್ಕಿಯಾದ ಮಹಿಳೆ ತಕ್ಷಣ ಹತ್ತಿರದ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ವೈದ್ಯರ ದೂರಿನ ಆಧಾರ ಮೇಲೆ ದೂರು ದಾಖಲಿಸಿಕೊಂಡಿದ್ದು, ತನಿಖೆ ನಡೆಸುತ್ತಿದ್ದಾರೆ.