ಲಿಮಾ: ಪೆರುವಿನ ಹುವಾನ್‌ಕಾವೆಲಿಕಾ ಪ್ರದೇಶದಲ್ಲಿ ಬಸ್ಸೊಂದು ಕಂದಕಕ್ಕೆ ಉರುಳಿದ ಪರಿಣಾಮ ಕನಿಷ್ಠ 24 ಮಂದಿ ಸಾವನ್ನಪ್ಪಿದ್ದಾರೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.
ಸೋಮವಾರ ಚುರ್ಕಾಂಪಾ ಪ್ರಾಂತ್ಯದ ಪರ್ವತ ಪ್ರದೇಶದಲ್ಲಿ ಈ ಘಟನೆ ಸಂಭವಿಸಿದೆ ಎಂದು ಕ್ಸಿನ್ಹುವಾ ಸುದ್ದಿ ಸಂಸ್ಥೆ ವರದಿ ಮಾಡಿದೆ. ಅಪ್ರಾಪ್ತರು ಕೂಡ ಅಪಘಾತಕ್ಕೆ ಬಲಿಯಾಗಿದ್ದಾರೆ ಎಂದು ಚುರ್ಕಾಂಪಾ ಇಂಟಿಗ್ರೇಟೆಡ್ ಹೆಲ್ತ್ ನೆಟ್‌ವರ್ಕ್ ಅನ್ನು ಉಲ್ಲೇಖಿಸಿ ನ್ಯೂಸ್ ಬ್ರಾಡ್‌ಕಾಸ್ಟರ್ ರೇಡಿಯೊ ಪೆರು ವರದಿ ಮಾಡಿದೆ.
ಗಾಯಾಳುಗಳನ್ನು ಹುವಾನ್ಕಾಯೊ, ಪಂಪಾಸ್ ಮತ್ತು ಅಯಾಕುಚೊ ಪಟ್ಟಣಗಳ ಆಸ್ಪತ್ರೆಗಳಿಗೆ ರವಾನಿಸಲಾಗಿದೆ. ಆಂಕೊದ ಜಿಲ್ಲಾ ಮೇಯರ್ ಮ್ಯಾನುಯೆಲ್ ಜೆವಾಲ್ಲೋಸ್ ಈ ಬಗ್ಗೆ ಮಾತನಾಡಿದ್ದು ಹಿಮಕುಸಿತದ ಪರಿಣಾಮ ರಸ್ತೆಯು ಕಳಪೆಯಾಗಿದೆ. ಇದೇ ಕಾರಣದಿಂದ ಅಪಘಾತ ನಡೆದಿದೆ ಎಂದಿದ್ದಾರೆ.
