ಸಿಹಿಯಾದ ಚಾಕಲೇಟ್ ಬರ್ಫಿ ಮಾಡುವುದು ಹೇಗೆ

ಸಿಹಿ ಪದಾರ್ಥ ಯಾರಿಗೆ ಇಷ್ಟ ಇಲ್ಲ ಹೇಳಿ ಎಲ್ಲರಿಗೂ ಇಷ್ಟ ಆದರೆ ಅದನ್ನು ಮಾಡುವುದೇ ಕಷ್ಟ. ನಿಮಗಾಗಿ ಸುಲಭವಾಗಿ ತಯಾರಾಗುವ ಚಾಕಲೇಟ್ ಬರ್ಫಿ ಮಾಡುವುದು ಹೇಗೆ ಎಂದು ನೋಡೋಣ.

ಬೇಕಾಗುವ ಪದಾರ್ಥಗಳು:
ಹಾಲಿನ ಪುಡಿ – 2 ಕಪ್
ಕೋಕೋ ಪೌಡರ್ – ಕಾಲು ಕಪ್
ಕಂಡೆನ್ಸ್ಡ್ ಮಿಲ್ಕ್ – 400 ಗ್ರಾಂ
ಹಾಲು – ಕಾಲು ಕಪ್
ಏಲಕ್ಕಿ ಪುಡಿ – 1 ಟೀಸ್ಪೂನ್
ಬೆಣ್ಣೆ – 2 ಟೀಸ್ಪೂನ್
ತುಪ್ಪ – 2 ಟೀಸ್ಪೂನ್

ಮಾಡುವ ವಿಧಾನ: ಒಂದು  ಪ್ಯಾನ್ ತೆಗೆದುಕೊಂಡು ಅದರಲ್ಲಿ ಬೆಣ್ಣೆ ಹಾಕಿ ಕರಗಿಸಿಕೊಳ್ಳಿ. ಉರಿಯನ್ನು ಆಫ್ ಮಾಡಿ, ಹಾಲಿನ ಪುಡಿ ಹಾಗೂ ಕೋಕೋ ಪೌಡರ್ ಅನ್ನು ಸೇರಿಸಿ  ಸೌಟಿನ ಸಹಾಯದಿಂದ ಚೆನ್ನಾಗಿ ಮಿಶ್ರಣ ಮಾಡಿಕೊಂಡು ಬಳಿಕ ಕಂಡೆನ್ಸ್ಡ್ ಮಿಲ್ಕ್ ಅನ್ನು ಸೇರಿಸಿ.  ಉರಿಯನ್ನು ಆನ್ ಮಾಡಿ, ಕಡಿಮೆ ಉರಿಯಲ್ಲಿ ಮಿಶ್ರಣ ಮಾಡಿಕೊಳ್ಳಿ.

ಬಳಿಕ ಹಾಲು ಹಾಗೂ ಏಲಕ್ಕಿ ಪುಡಿಯನ್ನು ಸೇರಿಸಿ, ಸುಮಾರು 10-12 ನಿಮಿಷಗಳ ವರೆಗೆ ಆಗಾಗ ಬೆರೆಸುತ್ತಾ ಬೇಯಿಸಿಕೊಳ್ಳಿ.
ಚಾಕ್ಲೇಟ್ ಮಿಶ್ರಣ ಪ್ಯಾನ್‌ನ ಬದಿಯನ್ನು ಬಿಡಲು ಪ್ರಾರಂಭಿಸಿದಾಗ ಉರಿಯನ್ನು ಆಫ್ ಮಾಡಿ, ಅದಕ್ಕೆ ತುಪ್ಪದಿಂದ ಗ್ರೀಸ್ ಮಾಡಿ, ಒಂದು ಪ್ಲೇಟ್‌ಗೆ ವರ್ಗಾಯಿಸಿ.

ಮಿಶ್ರಣ ಸ್ವಲ್ಪ ತಣ್ಣಗಾದ ಬಳಿಕ ಒಂದು ಚಮಚ ತುಪ್ಪವನ್ನು ನಿಮ್ಮ ಕೈಗೆ ಸವರಿಕೊಂಡು ಪುಟ್ಟ ಪುಟ್ಟ ಉಂಡೆಗಳನ್ನು ತಯಾರಿಸಿಕೊಳ್ಳಿ. ಸುಮಾರು 3-4 ಗಂಟೆಗಳಲ್ಲಿ ಅದು ಸೆಟ್ ಆಗಲು ಬಿಡಿ .