ಮಲಯಾಳಂ ಚಿತ್ರರಂಗದ ಇತ್ತೀಚೆಗಿನ ಸೂಪರ್ ಹಿಟ್ ಸಿನಿಮಾ ‘ಮಂಜ್ಞುಮ್ಮೆಲ್ ಬಾಯ್ಸ್’ ಮಲಯಾಳಂ ಚಿತ್ರರಂಗದಲ್ಲಿಯೇ ಅತಿ ಹೆಚ್ಚು ಕಲೆಕ್ಷನ್ ಮಾಡಿರುವ ಸಿನಿಮಾ ಎನಿಸಿಕೊಂಡಿದೆ.
ಈ ಸಿನೆಮಾ ಈವರೆಗೆ 250 ಕೋಟಿಗೂ ಹೆಚ್ಚು ಗಳಿಕೆ ಮಾಡಿದ್ದು, ತಮಿಳು ಭಾಷೆಯಲ್ಲಿಯೂ ಬಿಡುಗಡೆ ಆಗಿ ಸೂಪರ್ ಹಿಟ್ ಎನಿಸಿಕೊಂಡಿದೆ. ‘ಮಂಜ್ಞುಮ್ಮೆಲ್ ಬಾಯ್ಸ್’ ಸಿನಿಮಾ ಒಟಿಟಿಗೆ ಬಿಡುಗಡೆ ಆಗಲಿದೆ ಎಂಬ ಮಾತುಗಳು ಕೇಳಿ ಬಂದಿದ್ದವು. ಆದರೆ ಅದು ಸುಳ್ಳು ಎನ್ನಲಾಗುತ್ತಿದೆ.
ಇದೀಗ ಸಿನಿಮಾ ತಂಡವು ಈ ಸ್ಪಷ್ಟನೆ ನೀಡಿದ್ದು ‘ಮಂಜ್ಞುಮ್ಮೆಲ್ ಬಾಯ್ಸ್’ ಸಿನಿಮಾ ಏಪ್ರಿಲ್ 5 ರಂದು ಒಟಿಟಿಯಲ್ಲಿ ಬಿಡುಗಡೆ ಆಗಲಿದೆ ಎಂಬ ಮಾತು ಸುಳ್ಳು ಎಂದಿದೆ.
‘ಮಂಜ್ಞುಮ್ಮೆಲ್ ಬಾಯ್ಸ್’ ನೈಜ ಘಟನೆಯನ್ನು ಆಧರಸಿದ ಸಿನಿಮಾ ಆಗಿದೆ. ಕೇರಳದ ಸ್ನೇಹಿತರ ಗುಂಪೊಂದು ಕೊಡೈಕೆನಾಲ್ಗೆ ಪ್ರವಾಸಕ್ಕೆಂದು ಬಂದು ಅಲ್ಲಿ, ಕಮಲ್ ಹಾಸನ್ ನಟಿಸಿರುವ ‘ಗುಣ’ ಸಿನಿಮಾದ ಚಿತ್ರೀಕರಣ ಮಾಡಿರುವ ಗುಣ ಗುಹೆ ನೋಡಲು ಹೋದಾಗ ಅಲ್ಲಿನ ದುರ್ಗಮ ಕಂದಕವೊಂದಕ್ಕೆ ಸ್ನೇಹಿತರ ಗುಂಪಿನ ಒಬ್ಬ ವ್ಯಕ್ತಿ ಬಿದ್ದು ಬಿಡುತ್ತಾನೆ. ಆ ಯುವಕನ್ನು ಆ ಗುಂಪು ಹೇಗೆ ಕಾಪಾಡುತ್ತದೆ ಅವರಿಗೆ ಎದುರಾಗುವ ಸಮಸ್ಯೆಗಳು ಎಂಥಹವು, ಅವನ್ನು ಹೇಗೆ ಅವರು ಎದುರಿಸುತ್ತಾರೆ ಎಂಬುದೇ ಈ ಸಿನಿಮಾದ ಕತೆ.