ಮಲಯಾಳಂನ ನಟ ಮತ್ತು ನಿರ್ಮಾಪಕ ʼವಿಜಯ್‌ ಬಾಬುʼ ಮೇಲೆ ಕೇರಳ ಪೋಲೀಸರು ಮತ್ತೊಂದು ಕೇಸ್‌ ಹಾಕಿದ್ದು ಎರಡೆರಡು ಕೇಸ್‌ ಬಿದ್ದು ನಟ ಸಂಕಷ್ಟಕ್ಕೆ ಸಿಲುಕಿದ್ದಾರೆ.
ಈಗಾಗಲೇ ಲೈಂಗಿಕ ದೌರ್ಜನ್ಯದ ಆರೋಪವನ್ನು ಎದುರಿಸುತ್ತಿರುವ ವಿಜಯ್‌ ಅವರು ದೂರುದಾರರ ಗುರುತನ್ನು ಬಹಿರಂಗಪಡಿಸಿರುವುದಕ್ಕಾಗಿ ಅವರ ಮೇಲೆ ಇನ್ನೊಂದು ಕೇಸ್‌ ದಾಖಲಾಗಿದೆ.
ನಟಿಮಣಿಯೊಬ್ಬರ ಮೇಲೆ ಲೈಂಗಿಕ ದೌರ್ಜನ್ಯ ಮಾಡಿರುವ ಆರೋಪದ ಮೇಲೆ ಅವರ ಮೇಲೆ ಪೋಲಿಸರು ಕೇಸ್‌ ದಾಖಲಿಸಿದ್ದರು. ಇದರಿಂದ ಕುಪಿತಗೊಂಡ ನಟ ಇದು ಸುಳ್ಳು ಆರೋಪವಾಗಿದ್ದು ಮಾನನಷ್ಟ ಮೊಕದ್ದಮೆ ದಾಖಲಿಸುವುದಾಗಿ ಫೇಸ್ಬುಕ್‌ ಲೈವ್‌ ನಲ್ಲಿ ಹೇಳಿದ್ದರು.
ಆದರೆ ಈಗ ಅವರ ಮೇಲೆ ಎರಡೆರಡು ಆರೋಪಗಳು ದಾಖಲಾಗಿದ್ದು ನಟ ಸಂಕಷ್ಟಕ್ಕೆ ಸಿಲುಕಿದ್ದಾರೆ.
