ಜೈಪುರ: ಜೈಸಲ್ಮೇರ್ ಗೆ ಆಗಮಿಸಿದ ಕಿಯಾರಾ ಅಡ್ವಾಣಿ-ಸಿದ್ಧಾರ್ಥ್ ಮಲ್ಹೋತ್ರಾ

ಜೈಪುರ, ಫೆ.4: ಕಿಯಾರಾ ಅಡ್ವಾಣಿ-ಸಿದ್ಧಾರ್ಥ್ ಮಲ್ಹೋತ್ರಾ ಮದುವೆಗೆ ಕ್ಷಣಗಣನೆ ಆರಂಭವಾಗಿದ್ದು, ಮೆಹಂದಿ ಕಲಾವಿದೆ ವೀಣಾ ನಾಗ್ಡಾ ಮುಂಬೈನಿಂದ ಜೈಸಲ್ಮೇರ್ ಗೆ ಆಗಮಿಸಿದ್ದಾರೆ.

ಇದಕ್ಕೂ ಮುನ್ನ ಶನಿವಾರ ಸಿದ್ಧಾರ್ಥ್ ತಮ್ಮ ವಧು ಕಿಯಾರಾ ಅಡ್ವಾಣಿ ಅವರೊಂದಿಗೆ ಚಾರ್ಟರ್ಡ್ ವಿಮಾನದಲ್ಲಿ ಜೈಸಲ್ಮೇರ್ ಗೆ ಆಗಮಿಸಿದರು. ಅವರೊಂದಿಗೆ ಫ್ಯಾಷನ್ ಡಿಸೈನರ್ ಮನೀಶ್ ಮಲ್ಹೋತ್ರಾ ಇದ್ದರು. ಅವರ ಮದುವೆಗೆ ಸಂಬಂಧಿಸಿದ ಸಮಾರಂಭಗಳು ಭಾನುವಾರದಿಂದ ಪ್ರಾರಂಭವಾಗಲಿವೆ.

ದಂಪತಿಗಳ ಕುಟುಂಬಗಳ ಸದಸ್ಯರು ದಿನವಿಡೀ ಬರುತಿದ್ದು, ಉಳಿದ ಅತಿಥಿಗಳು ಮತ್ತು ಸಂಬಂಧಿಕರು ಭಾನುವಾರ ಬರಲಿದ್ದಾರೆ. ಜೈಸಲ್ಮೇರ್ ನ ಅರಮನೆ ಹೋಟೆಲ್ ಸೂರ್ಯಗಢದಲ್ಲಿ ಮದುವೆಯ ವ್ಯವಸ್ಥೆ ಮಾಡಲಾಗಿದೆ.