ಮುಂಬೈ: ಗಣರಾಜ್ಯೋತ್ಸವದ ಪ್ರಯುಕ್ತ ಜನವರಿ 25ರಂದು ಹೃತಿಕ್ ರೋಷನ್ ಮತ್ತು ದೀಪಿಕಾ ಪಡುಕೋಣೆ ಅವರು ಜೋಡಿಯಾಗಿ ನಟಿಸಿದ ‘ಫೈಟರ್’ ಸಿನಿಮಾ ನಿರೀಕ್ಷಿತ ಮಟ್ಟದಲ್ಲಿ ಕಲೆಕ್ಷನ್ ಮಾಡದಿದ್ದರೂ ಕೂಡ ನಿರ್ಮಾಪಕರು ಖುಷಿ ಆಗುವ ರೀತಿಯಲ್ಲಿ ‘ಫೈಟರ್’ ಸಿನಿಮಾ ಗಳಿಕೆ ಮಾಡುತ್ತಿದೆ. ಗಲ್ಲಾ ಪೆಟ್ಟಿಗೆಯಲ್ಲಿ ಮೂರು ದಿನಕ್ಕೆ ಕಲೆಕ್ಷನ್ 93.40 ಕೋಟಿ ರೂಪಾಯಿ ಆಗಿದೆ.
ಮೊದಲ ದಿನ ಅಂದರೆ, ಜನವರಿ 25ರಂದು ಈ ಸಿನಿಮಾ ಗಳಿಸಿದ್ದು 24.60 ಕೋಟಿ ರೂಪಾಯಿ. ಎರಡನೇ ದಿನವಾದ ಶುಕ್ರವಾರ (ಜನವರಿ 26) ಈ ಚಿತ್ರ 41.20 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿತು. ಮೂರನೇ ದಿನ ಶನಿವಾರ (ಜ.27) ‘ಫೈಟರ್’ ಸಿನಿಮಾ 27.60 ಕೋಟಿ ರೂಪಾಯಿ ಗಳಿಸಿದೆ.
2ನೇ ದಿನದ ಏರಿಕೆಯನ್ನು ಗಮನದಲ್ಲಿ ಇಟ್ಟುಕೊಂಡು, ಮೂರು ದಿನದಲ್ಲಿ ‘ಫೈಟರ್’ ಚಿತ್ರದ ಕಲೆಕ್ಷನ್ 100 ಕೋಟಿ ರೂಪಾಯಿ ಮೀರಲಿದೆ ಎಂದು ಅಂದಾಜಿಸಲಾಗಿತ್ತು. ಆದರೆ ಶನಿವಾರ ವೀಕೆಂಡ್ ಇದ್ದರೂ ಕೂಡ ಕಲೆಕ್ಷನ್ ಇಳಿಮುಖ ಆಯಿತು. 100 ಕೋಟಿ ರೂಪಾಯಿ ಗಡಿ ಮುಟ್ಟಲು ಈ ಸಿನಿಮಾಗೆ ಇನ್ನೂ 6.60 ಕೋಟಿ ರೂಪಾಯಿ ಬೇಕು. ನಾಲ್ಕನೇ ದಿನವಾದ ಇಂದು (ಜನವರಿ 28) ಅನಾಯಾಸವಾಗಿ ಈ ಸಿನಿಮಾ ನೂರು ಕೋಟಿ ರೂಪಾಯಿ ಕ್ಲಬ್ ಸೇರಲಿದೆ.
ಅನಿಲ್ ಕಪೂರ್, ಕರಣ್ ಸಿಂಗ್ ಗ್ರೋವರ್, ಅಕ್ಷಯ್ ಒಬೆರಾಯ್ ಮುಂತಾದವರು ಈ ಸಿನಿಮಾದಲ್ಲಿ ನಟಿಸಿದ್ದಾರೆ.
