ದೆಹಲಿ : ರಣವೀರ್ ಸಿಂಗ್ ಅಭಿನಯದ “ಧುರಂಧರ್” ಚಿತ್ರವು ಬಾಕ್ಸ್ ಆಫೀಸ್ನಲ್ಲಿ ಅದ್ಭುತ ಗಳಿಕೆಯನ್ನು ಮುಂದುವರೆಸಿದೆ. ಬಾಲಿವುಡ್ ಚಿತ್ರವೊಂದರಲ್ಲಿ ಇದುವರೆಗೆ ಅತಿ ಹೆಚ್ಚು ಹೂಡಿಕೆಯ ಲಾಭ ಗಳಿಸಿ ದಾಖಲೆ ಬರೆದಿದೆ.
ಕೊಯಿಮೊಯ್ ಪ್ರಕಾರ, ಇದು ಸುಮಾರು ₹600 ಕೋಟಿ ಲಾಭ ಗಳಿಸಿದೆ. ಅಂದಾಜು ₹225-250 ಕೋಟಿ ಬಜೆಟ್ನಲ್ಲಿ ನಿರ್ಮಿಸಲಾದ ಈ ಚಿತ್ರವು 32 ದಿನಗಳಲ್ಲಿ 825.70 ಕೋಟಿ ಬಾಕ್ಸ್ ಆಫೀಸ್ ಕಲೆಕ್ಷನ್ ಮಾಡಿದೆ.
ಧುರಂಧರ್” ಚಿತ್ರದ ಬಾಕ್ಸ್ ಆಫೀಸ್ ಗಳಿಕೆಯನ್ನು ನೋಡಿದರೆ, ಮೊದಲ ವಾರದಲ್ಲಿ ಈ ಚಿತ್ರ ₹207.25 ಕೋಟಿ ಗಳಿಸಿತು. ಎರಡನೇ ವಾರದಲ್ಲಿ ಈ ಚಿತ್ರ ಇನ್ನೂ ಉತ್ತಮ ಪ್ರದರ್ಶನ ನೀಡಿ ₹253.25 ಕೋಟಿ ನಿವ್ವಳ ಕಲೆಕ್ಷನ್ ಮಾಡಿತು. ಮೂರನೇ ವಾರದಲ್ಲಿ ₹172 ಕೋಟಿ ಗಳಿಸಿತು ಮತ್ತು ನಾಲ್ಕನೇ ವಾರದ ಅಂತ್ಯದ ವೇಳೆಗೆ ₹110.14 ಕೋಟಿ ಗಳಿಸಿತು.
ಇನ್ನು ಧುರಂಧರ್ ಚಿತ್ರ ಕೇವಲ ಹಿಂದಿ ಭಾಷೆಯಲ್ಲಿ ಮಾತ್ರ ಬಿಡುಗಡೆಯಾಗಿ ಈ ಸಾಧನೆ ಮಾಡಿರುವುದು ವಿಶೇಷ. ದೇಶಿಯ ಮಾರುಕಟ್ಟೆಯಲ್ಲಿ 700ಕೋಟಿ ಗಡಿ ದಾಟುವ ಜೊತೆಗೆ ಬಾಲಿವುಡ್ನ ನ.1 ಚಿತ್ರವಾಗಿ ಹೊರಹೊಮ್ಮಿದೆ.
ಈ ಕಥೆಯು ಪಾಕಿಸ್ತಾನದ ಲಿಯಾರಿ ಪ್ರದೇಶದಲ್ಲಿ ಬಲೂಚ್ ಗ್ಯಾಂಗ್ಗೆ ನುಸುಳಲು ಕಳುಹಿಸಲಾದ ಭಾರತೀಯ ಗೂಢಚಾರನ ಸುತ್ತ ಸುತ್ತುತ್ತದೆ. ರಣವೀರ್ ಸಿಂಗ್ ಹಮ್ಜಾ ಅಲಿ ಮಜಾರಿ, ಜಸ್ಕಿರತ್ ಸಿಂಗ್ ರಂಗಿ ಎಂದೂ ಕರೆಯಲ್ಪಡುವ ಪಾತ್ರದಲ್ಲಿ ನಟಿಸಿದರೆ, ಅಕ್ಷಯ್ ಖನ್ನಾ ಗ್ಯಾಂಗ್ ನಾಯಕ ರೆಹಮಾನ್ ಡಕೋಯಿತ್ ಪಾತ್ರದಲ್ಲಿ ನಟಿಸಿದ್ದಾರೆ. ಇದರ ಮುಂದುವರಿದ ಭಾಗ “ಧುರಂಧರ್ 2” ಮುಂದಿನ ವರ್ಷ ಮಾರ್ಚ್ 19 ರಂದು ಹಿಂದಿ, ತೆಲುಗು, ತಮಿಳು, ಕನ್ನಡ ಮತ್ತು ಮಲಯಾಳಂ ಭಾಷೆಗಳಲ್ಲಿ ಬಿಡುಗಡೆಯಾಗಲಿದೆ.
ಕೇವಲ ಭಾರತದಲ್ಲಿ ಮಾತ್ರವಲ್ಲ ವಿದೇಶಗಳಲ್ಲೂ ಧುರಂಧರ್ ಅಬ್ಬರ ಜೋರಾಗಿದೆ. ಅಂತರಾಷ್ಟೀಯ ಬಾಕ್ಸ್ ಆಫೀಸ್ ನಲ್ಲಿ ಸುಮಾರು 28 ಮಿಲಿಯನ್ ಡಾಲರ್ಗೂ ಹೆಚ್ಚು ಗಳಿಕೆ ಮಾಡಿದೆ. ಅಮೆರಿಕಾದಲ್ಲಿ 17 ಮಿಲಿಯನ್ ಡಾಲರ್ಗೂ ಹೆಚ್ಚು ಗಳಿಸಿರುವುದು ಗಮನಾರ್ಹ.