ಮುಂಬಯಿ: ಹಿರಿಯ ನಟ ಹಾಗೂ ರಂಗಕರ್ಮಿ ದಿನ್ಯಾರ್ ಕಾಂಟ್ರಾಕ್ಟರ್ ಅವರು ಬುಧವಾರ ಬೆಳಗ್ಗೆ ನಿಧನರಾದರು.
79ರ ಹರೆಯದ ದಿನ್ಯಾರ್ ಬಾದ್ ಶಾ ಮತ್ತು ಖಿಲಾಡಿ ಯಂತಹ ಹಿಟ್ ಸಿನಿಮಾಗಳ ಸಹಿತ ನೂರಾರು ಸಿನಿಮಾಗಳಲ್ಲಿ ನಟಿಸಿದ್ದರು. ವಯೋಸಹಜ ಅನಾರೋಗ್ಯದಿಂದಾಗಿ ಅವರು ಮೃತಪಟ್ಟಿದ್ದಾರೆ ಎಂದು ಕುಟುಂಬ ಮೂಲಗಳು ಹೇಳಿವೆ.
ಕಾಮಿಡಿ ಪಾತ್ರಗಳಿಂದ ಹೆಚ್ಚು ಜನಪ್ರಿಯರಾಗಿದ್ದ ಕಾಂಟ್ರಾಕ್ಟರ್ ಅವರಿಗೆ ಈ ವರ್ಷದ ಆರಂಭದಲ್ಲಿ ಪದ್ಮಶ್ರೀ ನೀಡಿ ಗೌರವಿಸಲಾಗಿತ್ತು.
ಹಿರಿಯ ನಟನ ಸಾವಿಗೆ ಪ್ರಧಾನಿ ನರೇಂದ್ರ ಮೋದಿ ಅವರು ಸಂತಾಪ ಸೂಚಿಸಿದ್ದಾರೆ.
