ಹೈದರಾಬಾದ್: ಕನ್ನಡದ ಬೆಡಗಿಯಾದ ಅನುಷ್ಕಾ ಶೆಟ್ಟಿ ತಮಿಳು ಹಾಗೂ ತೆಲುಗು ಚಲನಚಿತ್ರಗಳಲ್ಲಿ ಮಿಂಚುತ್ತಿರುವುದು ಎಲ್ಲರಿಗೂ ಗೊತ್ತೇ ಇದೆ. ಇದೀಗ ಅನುಷ್ಕಾ ಮುಂದಿನ ವರ್ಷ ಮದುವೆಯಾಗುತ್ತಿದ್ದಾರೆ ಅನ್ನುವ ಸುದ್ದಿ ಎಲ್ಲೆಡೆಯೂ ಕೇಳಿಬರುತ್ತಿದೆ.
ಮಾಧ್ಯಮದಲ್ಲಿ ಹರಿದಾಡುವ ಸುದ್ದಿ ಬಗ್ಗೆ ಏನೂ ಗೊತ್ತಿಲ್ಲ ಹಾಗೂ ನಾನು ಮದುವೆಯ ಬಗ್ಗೆ ಇನ್ನೂ ಯೋಚನೆ ಮಾಡಿಲ್ಲವೆಂದು, ಮದುವೆಯ ಗಾಸಿಪ್ ಬಗ್ಗೆ ಅನುಷ್ಕಾ ಉತ್ತರಿಸಿದ್ದಾರೆ.
ಅನುಷ್ಕಾ ನಟಿಸಿರುವ ಬಹುನಿರೀಕ್ಷೆಯ ಬಾಹುಬಲಿ-2, ಭಾಗಮತಿ, ಹಾಗೂ ಸಿಂಗಂ-3 ಚಿತ್ರೀಕರಣದ ಹಂತದಲ್ಲಿದ್ದು, ಈ ಹಿಂದೆಯೂ ಕೂಡ ತೆಲುಗು ನಟ ನಾಗಚೈತನ್ಯ ಹಾಗೂ ಬಾಹುಬಲಿ ಪ್ರಭಾಸ್ ಸೇರಿದಂತೆ ಉಡುಪಿಯ ಯುವ ಉದ್ಯಮಿಯನ್ನು ವರಿಸಲಿದ್ದಾರೆ ಎನ್ನುವ ಸುದ್ದಿ ಕೂಡಾ ಕೇಳಿ ಬಂದಿದ್ದು, ಇದೀಗ ನಿರ್ಮಾಪಕರೊಬ್ಬರನ್ನು ಮದುವೆಯಾಗುತ್ತಿದ್ದಾರೆ ಎಂದು ಸುದ್ದಿ ಮೂಲಗಳು ಹೇಳುತ್ತಿವೆ.
ದೇಶದಾದ್ಯಂತ ಹೆಸರು ಮಾಡಿರುವ ಬಾಹುಬಲಿ-2 ಚಿತ್ರದ ಬಿಡುಗಡೆಯ ನಂತರ ಅನುಷ್ಕ ಮದುವೆಯಾಗಲಿದ್ದಾರೆ ಎಂದು ಹೇಳಲಾಗುತ್ತಿದ್ದು, ಕುಟುಂಬ ಮೂಲಗಳ ಪ್ರಕಾರ , ತೆಲುಗು ಚಿತ್ರರಂಗದಲ್ಲಿರುವ ಪ್ರಮುಖ ನಿರ್ಮಾಪಕನನ್ನು ವರಿಸಲಿದ್ದು, ಆ ನಿರ್ಮಾಪಕನಿಗೆ ಮದುವೆಯಾಗಿದ್ದು, ಈಗ ವಿಚ್ಛೇದನ ಪ್ರಕ್ರಿಯೆ ನಡೆಯುತ್ತಿದೆ ಎನ್ನಲಾಗಿದೆ. ವಿಚ್ಛೇದನ ಬಳಿಕ ನಿರ್ಮಾಪಕನೊಂದಿಗೆ ಅನುಷ್ಕ ಮದುವೆಯಾಗಲಿದ್ದಾರೆ ಎಂದು ತಿಳಿಸಿದ್ದು, ಇದರಲ್ಲಿ ಯಾವುದು ಸತ್ಯ, ಯಾವುದು ಸುಳ್ಳು ಎಂದು ಕಾಲವೇ ಉತ್ತರ ಕೊಡಲಿದೆ.