ಮುಂಬೈ: ನೃತ್ಯ ಸಂಯೋಜಕ-ಚಲನಚಿತ್ರ ನಿರ್ಮಾಪಕ ರೆಮೋ ಡಿಸೋಜ ಅವರು ನಿನ್ನೆ ತಮ್ಮ ಅನುಭವವನ್ನ ಹಂಚಿಕೊಂಡಿದ್ದು, ದ್ವೇಷದ ಬದಲು ಪ್ರೀತಿಯಿಂದ ತುಂಬಿದ ಜೀವನದ ಬಗ್ಗೆ ಹಾಗೂ ಅದರ ಮಹತ್ವದ ಬಗ್ಗೆ ಹೇಳಿದ್ದಾರೆ.
ಕಳೆದ ತಿಂಗಳು ಹೃದಯ ಸಮಸ್ಯೆಯಿಂದ ಆಸ್ಪತ್ರೆಗೆ ದಾಖಲಾದ ನಿರ್ದೇಶಕರು, ಅವರು ಅನುಭವದ ಮೂಲಕ ಕಲಿತ ಪಾಠಗಳನ್ನು ಪ್ರತಿಬಿಂಬಿಸುವ ಮೂಲಕ ಹೊಸ ವರ್ಷವನ್ನು ಪ್ರಾರಂಭಿಸಿದ್ದಾರೆ. ಜೊತೆಗೆ ಅವರಿಗೆ ಚಿಕಿತ್ಸೆ ನೀಡಿದ ವೈದ್ಯರಿಗೆ ಧನ್ಯವಾದ ತಿಳಿಸಿದ್ದು, ಅವರು ಆಸ್ಪತ್ರೆಯ ವೈದ್ಯಕೀಯ ಸಿಬ್ಬಂದಿಯೊಂದಿಗೆ ಒಂದು ಫೋಟೋವನ್ನು ಕೂಡಾ ಇನ್ಸ್ಟಾಗ್ರಾಮ್ ನಲ್ಲಿ ಹಂಚಿಕೊಂಡಿದ್ದಾರೆ.
ನಾನು ಕಲಿತ ಒಂದು ದೊಡ್ಡ ಪಾಠವೆಂದರೆ, ನಮ್ಮಲ್ಲಿ ಇರುವುದು ಒಂದೇ ಜೀವನ ಆದ್ದರಿಂದ ಕೇವಲ ಪರಸ್ಪರ ಪ್ರೀತಿಸಿ ದ್ವೇಷಿಸುವ ಅಗತ್ಯವಿಲ್ಲ ಎಂದಿದ್ದು, ಈ ಸಮಯದಲ್ಲೇ ವೈದ್ಯರಿಗೆ ಬೆಂಬಲವನ್ನ ಮತ್ತು ಚಿಕಿತ್ಸೆಗಾಗಿ ಧನ್ಯವಾದಗಳನ್ನ ಹೇಳಿದ್ದಾರೆ.
2011 ರಲ್ಲಿ ‘ಫಾಲ್ಟು’ ಚಿತ್ರದ ಮೂಲಕ ಚಲನಚಿತ್ರ ನಿರ್ಮಾಣಕ್ಕೆ ಪಾದಾರ್ಪಣೆ ಮಾಡುವ ಮೊದಲು ರೆಮೋ ನೃತ್ಯ ಸಂಯೋಜಕರಾಗಿ ಖ್ಯಾತಿ ಗಳಿಸಿದರು.
