ಕಿರುತೆರೆ ಅಭಿಮಾನಿಗಳು ಬಹು ನಿರೀಕ್ಷೆಯಿಂದ ಕಾಯುತ್ತಿರುವ ಕಲರ್ಸ್ ಕನ್ನಡ ವಾಹಿನಿಯ ಅನುಬಂಧ ಅವಾರ್ಡ್ಸ್ ಕಾರ್ಯಕ್ರಮ ಶೀಘ್ರದಲ್ಲಿ ಜನರಿಗೆ ಮನರಂಜನೆ ನೀಡಲಿದೆಯಂತೆ. ಕೊರೋನಾ ಲಾಕ್ ಡೌನ್ ಬಳಿಕ ಈ ಅದ್ಧೂರಿ ಕಾರ್ಯಕ್ರಮದಲ್ಲಿ ಕಲರ್ಸ್ ನ ಎಲ್ಲಾ ಧಾರಾವಾಹಿ ನಟ, ನಟಿ, ನಿರ್ದೇಶಕರು ಸೇರಿದಂತೆ ಇಡಿಯ ಕಲಾವಿದರ ತಂಡ ಒಟ್ಟಾಗಲಿದೆ. ವಿವಿಧ ರೀತಿಯ ಅವಾರ್ಡ್ಸ್ ಗೆ ಕೂಡ ಭಾಜನರಾಗಲಿದ್ದಾರೆ.
ಜನರು ಆಯ್ಕೆ ಮಾಡುವ ನಾಯಕ, ನಾಯಕಿ, ಖಳನಾಯಕ, ಖಳನಾಯಕಿ, ಜನಮೆಚ್ಚಿದ ಕುಟುಂಬ ಹೀಗೆ ವಿವಿಧ ಆಯಾಮಗಳ ಅಡಿಯಲ್ಲಿ ಅವಾರ್ಡ್ಸ್ ನೀಡಲಾಗುತ್ತದೆ. ಧಾರಾವಾಹಿ ಪ್ರಿಯರಿಗೆ ಪ್ರತಿ ಬಾರಿಯೂ ಕಲರ್ಸ್ ವೋಟ್ ಮಾಡಲು ಅವಕಾಶ ಕಲ್ಪಿಸುತ್ತಿದ್ದು, ವೂಟ್ ಆಪ್ ಮೂಲಕ ತಮ್ಮ ನೆಚ್ಚಿನ ತಾರೆಗೆ ವೋಟ್ ಮಾಡಿ ಗೆಲ್ಲಿಸಬಹುದಾಗಿದೆ ಎಂದು ಕಲರ್ಸ್ ವಾಹಿನಿ ತಿಳಿಸಿದೆ. ಸದ್ಯ 2021ರ ಅನುಬಂಧ ಅವಾರ್ಡ್ಸ್ ಗೆ ತಯಾರಿ ನಡೆಯುತ್ತಿದ್ದು, ಕಾರ್ಯಕ್ರಮದ ದಿನಾಂಕ ಘೋಷಣೆಗೆ ಎಲ್ಲರೂ ಕಾತುರದಿಂದ ಕಾಯುತ್ತಿದ್ದಾರೆ.