ಬೆಂಗಳೂರು: ಕನ್ನಡ ರಾಜ್ಯೋತ್ಸವದ ಅಂಗವಾಗಿ ನಟ ಯಶ್ ನಟಸಿ ಭಾರೀ ಜನಮನ್ನಣೆ ಪಡೆದಿರುವಂತಹ ಸಿನಿಮಾ ಕೆಜಿಎಫ್ ಮತ್ತೆ ಕೆಲವೊಂದು ಚಿತ್ರಮಂದಿರಗಳಲ್ಲಿ ನ.1ರಂದು ಬಿಡುಗಡೆಯಾಗಲಿದೆ.
ಚಿತ್ರಮಂದಿರಗಳಲ್ಲಿ ಪ್ರದರ್ಶನಗೊಂಡು, ಈಗಾಗಲೇ ಟಿವಿಯಲ್ಲೂ ಪ್ರಸಾರವಾಗಿರುವಂತಹ ಕೆಜಿಎಫ್ ನೋಡಲು ಜನರಲ್ಲಿ ಇನ್ನೂ ಒಂದು ರೀತಿಯ ಉತ್ಸಾಹವಿದೆ. ಈಗಾಗಲೇ ಸಾವಿರಾರು ಮಂದಿ ಟಿಕೆಟ್ ಬುಕ್ ಮಾಡಿದ್ದಾರೆ ಎಂದು ಚಿತ್ರ ತಂಡವು ಹೇಳಿದೆ.
ಬೆಂಗಳೂರಿನ ಊರ್ವಶಿ ಚಿತ್ರಮಂದಿರಲ್ಲಿ ಸಿನಿಮಾದ ಎರಡು ಶೋ ನಡೆಯಲಿದೆ. ಇಲ್ಲಿ ಕೇವಲ 50 ರೂ. ಟಿಕೆಟ್ ಬೆಲೆ ನಿಗದಿ ಮಾಡಲಾಗಿದೆ.
ಸ್ವಾಗತ್ ಶಂಕರ್ ನಾಗ್ ಸಿನಿಮಾಸ್, ಗೋಪಾಲನ್ ಮಲ್ಟಿಫ್ಲೆಕ್ಸ್, ಪುಷ್ಪಾಂಜಲಿ, ಕಾವೇರಿ ಚಿತ್ರಮಂದಿರಗಳಲ್ಲಿ ಇದು ತೆರೆಕಾಣಲಿದೆ.