ನಿಟ್ಟೆ: ಸೆಪ್ಟೆಂಬರ್ 1 ರಂದು ಬೆಂಗಳೂರಿನ ವೆಮೆನಾ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಲ್ಲಿ ನಡೆದ ವಿಟಿಯು ಅಂತರ ಕಾಲೇಜು ರಾಜ್ಯ ಮಟ್ಟದ ವೇಟ್ ಲಿಫ್ಟಿಂಗ್ ಸ್ಪರ್ಧೆಯಲ್ಲಿ ಕಾರ್ಕಳದ ನಿಟ್ಟೆ ಮಹಾಲಿಂಗ ಅಡ್ಯಂತಾಯ ಸ್ಮಾರಕ ತಾಂತ್ರಿಕ ಕಾಲೇಜಿನ ವೇಟ್ ಲಿಫ್ಟಿಂಗ್ ಪುರುಷರ ತಂಡವು 2 ಚಿನ್ನ ಮತ್ತು 3 ಬೆಳ್ಳಿ ಪದಕಗಳೊಂದಿಗೆ ಚಾಂಪಿಯನ್ಶಿಪ್ ಟ್ರೋಫಿಯನ್ನು ತನ್ನದಾಗಿಸಿಕೊಂಡಿದೆ.
ಫಲಿತಾಂಶ:
1. 61 ಕೆ.ಜಿ. ವರ್ಗದಲ್ಲಿ- ೪ನೇ ಸೆಮಿಸ್ಟರ್ ಇಲೆಕ್ಟ್ರಿಕಲ್ ಇಂಜಿನಿಯರಿಂಗ್ ವಿದ್ಯಾರ್ಥಿ ಬಿ.ಸೂರಜ್ ಭಂಡಾರಿಗೆ ದ್ವಿತೀಯ ಸ್ಥಾನ
2. 73 ಕೆ.ಜಿ. ವರ್ಗದಲ್ಲಿ – ೭ನೇ ಸೆಮಿಸ್ಟರ್ ಮೆಕ್ಯಾನಿಕಲ್ ಇಂಜಿನಿಯರಿಂಗ್ ವಿದ್ಯಾರ್ಥಿ ಸತ್ಯದೀಪ್ ರಾವ್ ಗೆ ಪ್ರಥಮ ಸ್ಥಾನ
3. 81 ಕೆಜಿ ವಿಭಾಗದಲ್ಲಿ – ೭ನೇ ಸೆಮಿಸ್ಟರ್ ಮೆಕ್ಯಾನಿಕಲ್ ಇಂಜಿನಿಯರಿಂಗ್ ವಿದ್ಯಾರ್ಥಿ ಪ್ರಸನ್ನ ಕುಮಾರ್ ಗೆ ದ್ವಿತೀಯ ಸ್ಥಾನ
4. 89 ಕೆಜಿ ವಿಭಾಗದಲ್ಲಿ – ೭ನೇ ಸೆಮಿಸ್ಟರ್ ಮೆಕ್ಯಾನಿಕಲ್ ಇಂಜಿನಿಯರಿಂಗ್ ವಿದ್ಯಾರ್ಥಿ ಜೀತ್ ಬಿ ಕೋಟ್ಯಾನ್ ಗೆ ದ್ವಿತೀಯ ಸ್ಥಾನ
5. 109 ಕೆಜಿ ವಿಭಾಗದಲ್ಲಿ – ೪ನೇ ಸೆಮಿಸ್ಟರ್ ಮೆಕ್ಯಾನಿಕಲ್ ಇಂಜಿನಿಯರಿಂಗ್ ವಿದ್ಯಾರ್ಥಿ ಸಮರ್ಜೀತ್ ಅಮೀನ್ ಪ್ರಥಮ ಸ್ಥಾನ ಗಳಿಸಿರುವರು ಎಂದು ಕಾಲೇಜಿನ ಪತ್ರಿಕಾ ಪ್ರಕಟಣೆ ತಿಳಿಸಿದೆ.