ಲಂಡನ್: ಮುಕ್ತ ವ್ಯಾಪಾರ ಒಪ್ಪಂದ ಕುರಿತಂತೆ ಭಾರತದ ಜೊತೆಗೆ ಮಾತುಕತೆ ಪ್ರಗತಿಯಲ್ಲಿದೆ. ಬ್ರಿಟನ್ ಗೆ ಒಳಿತಾಗುವ ಅಂಶಗಳಿದ್ದಲ್ಲಿ ಮಾತ್ರ ಸಮ್ಮತಿ ನೀಡಲಾಗುವುದು ಎಂದು ಪ್ರಧಾನಿ ರಿಷಿ ಸುನಕ್ ತಮ್ಮ ಸಚಿವರಿಗೆ ಭರವಸೆ ನೀಡಿದ್ದಾರೆ.
ಜಿ.20 ಶೃಂಗ ಸಭೆಯಲ್ಲಿ ಭಾಗವಹಿಸಲು ದೆಹಲಿಗೆ ಭೇಟಿ ನೀಡಲಿರುವ ಸುನಕ್ ಪೂರ್ವಭಾವಿಯಾಗಿ ಎಫ್‌ಟಿಎ ಕುರಿತ ಚರ್ಚೆಯ ಪ್ರಗತಿ ವಿವರಗಳನ್ನು ಸಂಪುಟ ಸಹೋದ್ಯೋಗಿಗಳಿಗೆ ನೀಡಿದರು. 12 ಸುತ್ತಿನ ಮಾತುಕತೆ ನಡೆದಿದೆ.
ಆರ್ಥಿಕತೆ ಹಾಗೂ ಎಲ್ಲ ಪ್ರಜಾಪ್ರಭುತ್ವ ರಾಷ್ಟ್ರಗಳು ಸವಾಲುಗಳನ್ನು ಎದುರಿಸುವ ನಿಟ್ಟಿನಲ್ಲಿ ಭಾರತವು ಬಿಡಲಾಗದಂತಹ ಪಾಲುದಾರ ಎಂದು ಬಣ್ಣಿಸಿದ ಬ್ರಿಟನ್ ಪ್ರಧಾನಿ ಉಭಯ ದೇಶಗಳ ಬಾಂಧವ್ಯವನ್ನು ಇನ್ನಷ್ಟು ಬಲಪಡಿಸಬೇಕಾಗಿದೆ ಎಂದರು.
