ಬ್ರಸೆಲ್ಸ್: ಅಮೆರಿಕದಲ್ಲಿ ಮುಸ್ಲಿಂ ಬಾಲಕನ ಹತ್ಯೆಗೆ ಪ್ರತೀಕಾರ ತೀರಿಸಿಕೊಳ್ಳುವುದಾಗಿ ಐಸಿಸ್ ಉಗ್ರನೊಬ್ಬ ಸೋಮವಾರ ರಾತ್ರಿ(ಅ.16) ಬ್ರಸೆಲ್ಸ್ ನಲ್ಲಿ ಇಬ್ಬರು ಸ್ವೀಡನ್ ಪ್ರಜೆಗಳನ್ನು ಗುಂಡಿಕ್ಕಿ ಕೊಂದಿರುವುದಾಗಿ ವರದಿಯಾಗಿದೆ.
ಗುಂಡು ಹಾರಿಸಿದ ಯುವಕ ತನ್ನನ್ನು ಅಲ್ಲಾಹನ ಸೈನಿಕ ಎಂದು ಬಣ್ಣಿಸಿಕೊಂಡಿದ್ದಾನೆ. ಅಮೆರಿಕದ ಇಲಿನಾಯ್ಸ್ನಲ್ಲಿ 6 ವರ್ಷದ ಮುಸ್ಲಿಂ ಬಾಲಕನ ಕೊಲೆಗೆ ಸೇಡು ತೀರಿಸಿಕೊಂಡಿರುವುದಾಗಿ ಆತ ಹೇಳಿಕೊಂಡಿದ್ದಾನೆ.
ಬೆಲ್ಜಿಯಂನ ಮಾಧ್ಯಮವೊಂದರ ಪ್ರಕಾರ, ಅಲ್ ಗಿಯುಲಾನಿ ಅಮೆರಿಕದ ಮುಸ್ಲಿಂ ಮಗುವಿನ ಹತ್ಯೆಯ ಬಗ್ಗೆ ಎಕ್ಸ್ನಲ್ಲಿ ಬರೆದಿದ್ದಾರೆ, ʼಅವರು (ಜೋ ಬೈಡನ್) ಮುಸ್ಲಿಂ ಆಗಿದ್ದರಿಂದ ಇದನ್ನು ಕ್ರೂರ ಅಪರಾಧ ಎಂದು ಕರೆದರು. ಸತ್ತವನು ಕ್ರಿಶ್ಚಿಯನ್ ಆಗಿದ್ದರೆ ಮತ್ತು ಕೊಲೆಗಾರ ಮುಸ್ಲಿಮ್ ಆಗಿದ್ದರೆ, ಅದನ್ನು ಭಯೋತ್ಪಾದನೆ ಎಂದು ಕರೆಯಲಾಗುತ್ತಿತ್ತು. ಎಂದು ಬರೆದುಕೊಂಡಿದ್ದಾರೆ.
ಯುಇಎಫ್ಎ ಯೂರೋ 2024 ಅರ್ಹತಾ ಪಂದ್ಯದಲ್ಲಿ ಬೆಲ್ಜಿಯಂ ಸ್ವೀಡನ್ಗೆ ಆತಿಥ್ಯ ವಹಿಸುತ್ತಿದ್ದ ಬ್ರಸೆಲ್ಸ್ ನಗರದ ಹೃದಯಭಾಗದಲ್ಲಿ ಈ ಗುಂಡಿನ ದಾಳಿ ನಡೆದಿದೆ. ಸ್ಕೈ ಸ್ಪೋರ್ಟ್ಸ್ ಪ್ರಕಾರ, ಸಾವನ್ನಪ್ಪಿದವರು ಸ್ವೀಡಿಷ್ ಫುಟ್ಬಾಲ್ ಶರ್ಟ್ಗಳನ್ನು ಧರಿಸಿದ್ದರು. ಶಂಕಿತ ಭಯೋತ್ಪಾದಕ ದಾಳಿಯಿಂದಾಗಿ ಪಂದ್ಯವನ್ನು ಅರ್ಧ ಸಮಯದಲ್ಲಿ ನಿಲ್ಲಿಸಲಾಗಿದೆ ಎಂದು ಯುಇಎಫ್ಎ ಎಕ್ಸ್ನಲ್ಲಿ ತಿಳಿಸಿದೆ.
I have just offered my sincere condolences to @SwedishPM following tonight’s harrowing attack on Swedish citizens in Brussels.
Our thoughts are with the families and friends who lost their loved ones.
As close partners the fight against terrorism is a joint one.
— Alexander De Croo 🇧🇪🇪🇺 (@alexanderdecroo) October 16, 2023