ನಾನ್ಜಿಂಗ್: ಚೀನಾದ ಪೀಪಲ್ಸ್ ಲಿಬರೇಶನ್ ಆರ್ಮಿ (ಪಿಎಲ್‌ಎ) ಯ ಈಸ್ಟರ್ನ್ ಕಮಾಂಡ್ ಶನಿವಾರ ತೈವಾನ್ ಸುತ್ತಮುತ್ತ ನೌಕಾಪಡೆ ಮತ್ತು ವಾಯುಪಡೆ ಸಮುದ್ರ, ವಾಯು ಗಸ್ತು ಆರಂಭಿಸಿದೆ.
ಮಿಲಿಟರಿ ಹಡಗುಗಳು ಮತ್ತು ವಿಮಾನಗಳು ಈ ಪ್ರದೇಶವನ್ನು ನಿಯಂತ್ರಣಕ್ಕೆ ತೆಗೆದುಕೊಳ್ಳುವ ಸಾಮರ್ಥ್ಯವನ್ನು ಹೊಂದಿವೆ ಎಂದು ಕಮಾಂಡ್ ವಕ್ತಾರ ಶಿ ಯಿ, ಕ್ಸಿನ್ಹುವಾ ಸುದ್ದಿ ಸಂಸ್ಥೆಗೆ ತಿಳಿಸಿದ್ದಾರೆ. ಈಗ ನೈಜ ಯುದ್ಧ ಪರಿಸ್ಥಿತಿಗಳಲ್ಲಿ ಹೋರಾಡುವ ಸಶಸ್ತ್ರ ಪಡೆಗಳ ಸಾಮರ್ಥ್ಯವನ್ನು ಪರೀಕ್ಷಿಸುವ ಕೆಲಸ ನಡೆಯುತ್ತಿದೆ. ಅಲ್ಲದೆ ಪ್ರತ್ಯೇಕತವಾದಿ ಗುಂಪುಗಳು ಮತ್ತು ವಿದೇಶಿ ಶಕ್ತಿಗಳಿಗೆ ಇದೊಂದು ಎಚ್ಚರಿಕೆ ಎಂದು ತಿಳಿಸಿದ್ದಾರೆ.
