ಸಿಯೋಲ್: ದಕ್ಷಿಣ ಕೊರಿಯಾದಲ್ಲಿ ಜನಿಸಿದ ಶಿಶುಗಳ ಸಂಖ್ಯೆ ಜನವರಿಯಲ್ಲಿ ಕನಿಷ್ಠ ಮಟ್ಟಕ್ಕೆ ಇಳಿದಿದೆ ಎಂಬುದು ಅಂಕಿಸಂಖ್ಯೆಗಳಿಂದ ತಿಳಿದುಬಂದಿದೆ.
ಅಂಕಿಅಂಶಗಳ ಪ್ರಕಾರ ಈ ವರ್ಷದ ಜನವರಿಯಲ್ಲಿ ಕೇವಲ 23,179 ಶಿಶುಗಳು ಜನಿಸಿದ್ದು, ಹಿಂದಿನ ವರ್ಷಕ್ಕಿಂತ ಶೇಕಡಾ 6 ರಷ್ಟು ಕುಸಿದಿದೆ.
1981 ರಲ್ಲಿ ಅಂಕಿಅಂಶಗಳ ಸಂಸ್ಥೆ ಮಾಸಿಕ ಡೇಟಾ ಸಂಗ್ರಹ ಆರಂಭಿಸಿದ ಬಳಿಕ ಜನವರಿಯ ಅಂಕಿಅಂಶ ಅತಿ ಕಡಿಮೆ ಪ್ರಮಾಣದ್ದಾಗಿದೆ. ದಕ್ಷಿಣ ಕೊರಿಯಾದಲ್ಲಿ ಜನಿಸುವ ಮಕ್ಕಳ ಸಂಖ್ಯೆ ವರ್ಷದಿಂದ ವರ್ಷಕ್ಕೆ ಕುಸಿಯುತ್ತಿದೆ.
ಆರ್ಥಿಕ ಮಂದಗತಿ ಮತ್ತು ಮನೆಗಳ ಬಾಡಿಗೆ ದುಬಾರಿ, ವೆಚ್ಚ ಇತ್ಯಾದಿ ಕಾರಣಗಳಿಂದ ಜನರು ಹೆಚ್ಚು ಮಕ್ಕಳನ್ನು ಹೊಂದಲು ಇಷ್ಟಪಡುತ್ತಿಲ್ಲ ಎಂದು ತಿಳಿದುಬಂದಿದೆ.
ಕಳೆದ ವರ್ಷ ಒಟ್ಟು 249,000 ಶಿಶುಗಳು ಜನಿಸಿದ್ದವು. ದೇಶದಲ್ಲಿ ಮಹಿಳೆಯು ತನ್ನ ಜೀವಿತಾವಧಿಯಲ್ಲಿ ಹೆರುವ ಫಲವತ್ತತೆ ದರ 2022 ರಲ್ಲಿ 0.78 ಕ್ಕೆ ಇಳಿದಿದೆ. 1970 ರಿಂದ 4.53 ರಷ್ಟಿತ್ತು