ಪಾಕಿಸ್ತಾನದಲ್ಲಿ ಪೆಟ್ರೋಲ್, ಡೀಸೆಲ್ ರೇಟ್ ಗಗನಮುಖಿಯಾಗಿದ್ದು ಮತ್ತೆ ಸಾರ್ವಕಾಲಿಕ ದಾಖಲೆ ಬರೆದಿದೆ. ಮೊದಲೇ ದಿನಸಿ ಪದಾರ್ಥ, ಮೂಲಭೂತ ಸೌಕರ್ಯಗಳಿಗೆ ಪಾಕ್ ಜನತೆ ಹೋರಾಡುತ್ತಿದ್ದಾರೆ. ದಿನೇ ದಿನೇ ಬೆಲೆ ಏರಿಕೆಯ ಬಿಸಿ ತಟ್ಟುತ್ತಿರುವಾಗಲೇ ಪೆಟ್ರೋಲ್, ಡೀಸೆಲ್ ರೇಟ್ ಜಾಸ್ತಿಯಾಗಿದೆ.
ಪಾಕಿಸ್ತಾನದಲ್ಲಿ ಪೆಟ್ರೋಲ್, ಡೀಸೆಲ್ ದರ ಫಸ್ಟ್ ಟೈಮ್ 300 ರೂಪಾಯಿಯ ಗಡಿಯನ್ನು ದಾಟಿದೆ. ಇವತ್ತು ಲೀಟರ್ ಪೆಟ್ರೋಲ್ ದರ 14 ರೂ. 91 ಪೈಸೆ ಮತ್ತು ಡೀಸೆಲ್ ದರ 18 ರೂ. 44 ಪೈಸೆ ಹೆಚ್ಚಾಗಿದೆ. ಈ ದರ ಏರಿಕೆಯ ಹಿನ್ನೆಲೆ ಪೆಟ್ರೋಲ್ ರೇಟ್ ಒಂದು ಲೀಟರ್ಗೆ 305.36 ರೂಪಾಯಿ ಆಗಿದೆ. ಡೀಸೆಲ್ ರೇಟ್ 311.84 ಪೈಸೆ ತಲುಪಿದೆ. ಪಾಕಿಸ್ತಾನದ ಇತಿಹಾಸದಲ್ಲೇ ಇಷ್ಟು ರೇಟ್ ಹೆಚ್ಚಾಗಿರೋದು ಇದೇ ಮೊದಲು.
ಅಂತಾರಾಷ್ಟ್ರೀಯ ತೈಲ ಮಾರುಕಟ್ಟೆಯಲ್ಲಿ ಪೆಟ್ರೋಲಿಯಂ ದರ ಏರಿಕೆಯಾಗಿದೆ. ಹೀಗಾಗಿ ದರ ಏರಿಕೆ ಅನಿವಾರ್ಯವಾಗಿದೆ ಎಂದು ಪಾಕ್ ಸರ್ಕಾರ ಹೇಳಿದೆ.