ಜೋಹಾನ್ಸ್ಬರ್ಗ್: ಮಧ್ಯ ಜೋಹಾನ್ಸ್ಬರ್ಗ್ನಲ್ಲಿ ಗುರುವಾರ ಐದು ಅಂತಸ್ತಿನ ಕಟ್ಟಡದಲ್ಲಿ ಬೆಂಕಿ ಕಾಣಿಸಿಕೊಂಡು ಸಾವನ್ನಪ್ಪಿದವರ ಸಂಖ್ಯೆ 60ಕ್ಕೆ ಏರಿದೆ ಎಂದು ದಕ್ಷಿಣ ಆಫ್ರಿಕಾದ ನಗರದ ತುರ್ತು ಸೇವೆ ತಿಳಿಸಿದೆ.
ಘಟನೆಯಲ್ಲಿ 43 ಮಂದಿ ಗಾಯಗೊಂಡಿದ್ದು, ಸಾವಿನ ಸಂಖ್ಯೆ ಹೆಚ್ಚುವ ಸಾಧ್ಯತೆ ಇದೆ. ಹಲವು ಮಂದಿ ಉಸಿರಾಟ ತೊಂದರೆಯಿಂದ ಸ್ಥಳೀಯ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಈ ಕಟ್ಟಡ ಪಾಳುಬಿದ್ದಿದ್ದು ಹಲವು ವರ್ಷಗಳ ಹಿಂದೆ ಇಲ್ಲಿ ಅಕ್ರಮ ವಲಸಿಗರು ನೆಲೆಕಂಡುಕೊಂಡಿದ್ದರು ಎನ್ನಲಾಗಿದೆ. ಜೋಹಾನ್ಸ್ಬರ್ಗ್ನಲ್ಲಿ ಬಳಕೆಯಾಗದ ಕಟ್ಟಡಗಳನ್ನು ಅಕ್ರಮವಾಗಿ ವಶಪಡಿಸಿಕೊಳ್ಳುವ ಕ್ರಿಮಿನಲ್ ಸಿಂಡಿಕೇಟ್ಗಳು, ಅಲ್ಲಿನ ನಿವಾಸಿಗಳಿಂದ ಬಲವಂತವಾಗಿ ಬಾಡಿಗೆ ವಸೂಲಿ ಮಾಡುವುದು ಸಾಮಾನ್ಯವಾಗಿದೆ.