ಸಿಯೋಲ್: ಚೀನಾದ ಕಂಪನಿಗಳು ನಡೆಸುತ್ತಿರುವ ಶಂಕಿತ ಕೊರಿಯನ್ ಭಾಷೆಯ 38 ನಕಲಿ ಸುದ್ದಿ ವೆಬ್‌ಸೈಟ್‌ಗಳನ್ನು ಗುರುತಿಸಿರುವುದಾಗಿ ದಕ್ಷಿಣ ಕೊರಿಯಾದ ಬೇಹುಗಾರಿಕಾ ಸಂಸ್ಥೆ ಸೋಮವಾರ ತಿಳಿಸಿದೆ.
ಸ್ಥಳೀಯ ಸುದ್ದಿ, ಲೇಖನಗಳನ್ನು ಪೋಸ್ಟ್ ಮಾಡಿ ಮತ್ತು ಕೊರಿಯಾ ಡಿಜಿಟಲ್ ನ್ಯೂಸ್ ಅಸೋಸಿಯೇಷನ್‌ನ ಸದಸ್ಯರಂತೆ ಪೋಸ್ ನೀಡುತ್ತಿವೆ ಎಂದು ರಾಷ್ಟ್ರೀಯ ಗುಪ್ತಚರ ಸೇವೆ (ಎನ್ಐಎಸ್) ತಿಳಿಸಿದೆ. ಅಪರಿಚಿತ ಸಂಸ್ಥೆಯು ಚೀನಾ ಪರ ಮತ್ತು ಯುಎಸ್ ವಿರೋಧಿ ನ್ಯೂಸ್‌ಗಳನ್ನು ಹರಡಿ ಸಾರ್ವಜನಿಕ ಅಭಿಪ್ರಾಯದ ಮೇಲೆ ಪ್ರಭಾವ ಬೀರಲು ಪ್ರಯತ್ನಿಸಿದೆ ಎಂದು ಯೋನ್‌ಹಾಪ್ ಸುದ್ದಿ ಸಂಸ್ಥೆ ವರದಿ ಮಾಡಿದೆ.
ಇಎಸ್‌ಟಿ ಸೆಕ್ಯುರಿಟಿ ಕಾರ್ಪೊರೇಷನ್ ಮತ್ತು ಎಸ್‌ಕೆ ಶೀಲ್ಡಸ್ ಕಂ ಸೇರಿದಂತೆ ಸ್ಥಳೀಯ ಸೈಬರ್ ಭದ್ರತಾ ಸಂಸ್ಥೆಗಳ ಜೊತೆಗೆ ಪತ್ತೇದಾರಿ ಸಂಸ್ಥೆ ಇತ್ತೀಚೆಗೆ ಚೀನಾ ಮೂಲದ ವೆಬ್‌ಸೈಟ್‌ಗಳನ್ನು ಕಂಡುಹಿಡಿದಿದೆ. ಸರ್ಕಾರಿ ಏಜೆನ್ಸಿಗಳ ಸಹಕಾರದೊಂದಿಗೆ ನಕಲಿ ಸುದ್ದಿ ಸೈಟ್‌ಗಳನ್ನು ಮುಚ್ಚಲಾಗುವುದು ಮತ್ತು ದಕ್ಷಿಣ ಕೊರಿಯಾದಲ್ಲಿ ತನ್ನ ಸೈಬರ್ ಪ್ರಭಾವವನ್ನು ವಿಸ್ತರಿಸುವ ಗುರಿಯನ್ನು ಹೊಂದಿರುವ ಚೀನಾದ ಚಟುವಟಿಕೆಗಳ ಮೇಲೆ ನಿಕಟ ನಿಗಾ ಇಡುವುದಾಗಿ ಎನ್ಐಎಸ್ ಹೇಳಿದೆ.
