ಕಾಬೂಲ್: ಅಫ್ಘಾನಿಸ್ತಾನವು ತನ್ನ ಆಂತರಿಕ ಮಾರುಕಟ್ಟೆಗಳ ಬೇಡಿಕೆಗಳನ್ನು ಪೂರೈಸಲು ಈರುಳ್ಳಿ ರಫ್ತನ್ನು ನಿಲ್ಲಿಸಿದೆ.
ದೇಶಾದ್ಯಂತ ಬರಗಾಲದಿಂದಾಗಿ, ಈರುಳ್ಳಿ ಬೆಳೆಗಳು ಕುಸಿದಿವೆ, ಇದು ದೇಶದಲ್ಲಿಈರುಳ್ಳಿ ಬೆಲೆಗಳಲ್ಲಿ ಏರಿಕೆಗೆ ಕಾರಣವಾಗಿದೆ ಎಂದು ಚೇಂಬರ್ ಆಫ್ ಅಗ್ರಿಕಲ್ಚರ್ ಅಂಡ್ ಲೈವ್ಸ್ಟಾಕ್ ಶುಕ್ರವಾರ ಹೇಳಿಕೆಯಲ್ಲಿ ತಿಳಿಸಿದೆ ಎಂದು ಮಾಧ್ಯಮಗಳು ವರದಿ ಮಾಡಿದೆ.
ಅಫ್ಘಾನಿಸ್ತಾನದಲ್ಲಿ ಈಗ 7 ಕೆಜಿ ಈರುಳ್ಳಿಯ ಬೆಲೆ 200 ಎಎಫ್ಎಸ್ ಆಗಿರುವುದರಿಂದ ವಿದೇಶಗಳಿಗೆ ಈರುಳ್ಳಿ ರಫ್ತು ಮಾಡುವುದನ್ನು ನಿಲ್ಲಿಸಲಾಗಿದೆ. ಎಂದು ಚೇಂಬರ್ ನ ಸದಸ್ಯ ಮಿರ್ವೈಸ್ ಹಾಜಿಜಾದಾ ಹೇಳಿದರು.
ಅಫ್ಘಾನಿಸ್ತಾನವು ಪಾಕಿಸ್ತಾನ, ಭಾರತ, ರಷ್ಯಾ ಮತ್ತು ಮಧ್ಯ ಏಷ್ಯಾದ ರಾಷ್ಟ್ರಗಳಿಗೆ ಈರುಳ್ಳಿಯನ್ನು ರಫ್ತು ಮಾಡುತ್ತಿತ್ತು. 7 ಕೆಜಿ ಈರುಳ್ಳಿಯ ಬೆಲೆ ಸಾಮಾನ್ಯವಾಗಿ ವರ್ಷದ ಈ ಸಮಯದಲ್ಲಿ ಸುಮಾರು 30 ಅಫ್ಸ್ ಆಗಿತ್ತು.
ಈರುಳ್ಳಿ ಮಾರಾಟಗಾರ ಬಖ್ತಿಯಾರ್ ಅವರ ಪ್ರಕಾರ, ಈ ವರ್ಷ ಮಳೆಯ ಕೊರತೆಯು ಬರ ಪರಿಸ್ಥಿತಿಗಳನ್ನು ಪ್ರಚೋದಿಸಿತು, ಇದು ಅಫ್ಘಾನಿಸ್ತಾನದಾದ್ಯಂತ ಕಡಿಮೆ ಬೆಳೆ ಇಳುವರಿಗೆ ಕಾರಣವಾಯಿತು ಎಂದು ಹೇಳಿದರು.
