ಯಾಂಗೂನ್: ಮ್ಯಾನ್ಮಾರ್ ನಲ್ಲಿ 5.2 ತೀವ್ರತೆಯ ಭೂಕಂಪನ

ಯಾಂಗೂನ್: ಮ್ಯಾನ್ಮಾರ್ ನ ಮಾಂಡಲೆ ಪ್ರದೇಶದಲ್ಲಿ ಗುರುವಾರ 5.2 ತೀವ್ರತೆಯ ಭೂಕಂಪ ಸಂಭವಿಸಿದೆ ಎಂದು ಹವಾಮಾನ ಮತ್ತು ಜಲವಿಜ್ಞಾನ ಇಲಾಖೆ ತಿಳಿಸಿದೆ.

63 ಕಿ.ಮೀ ಆಳದ ಭೂಕಂಪದ ಕೇಂದ್ರಬಿಂದುವನ್ನು ಆರಂಭದಲ್ಲಿ 21.81 ಡಿಗ್ರಿ ಉತ್ತರ ಅಕ್ಷಾಂಶ ಮತ್ತು 96.03 ಡಿಗ್ರಿ ಪೂರ್ವ ರೇಖಾಂಶದಲ್ಲಿ ಗುರುತಿಸಲಾಗಿದೆ ಎಂದು ಮಾಧ್ಯಮಗಳು ವರದಿ ಮಾಡಿದೆ.

ಮಾಂಡಲೆ ಮತ್ತು ಸಾಗಿಂಗ್ ಪ್ರದೇಶಗಳಲ್ಲಿ ಭೂಕಂಪನದ ಬಲವಾದ ಅನುಭವವಾಗಿದ್ದು, ಪ್ರಾಂತೀಯ ರಾಜಧಾನಿ ಮಾಂಡಲೆ ನಗರದ ಕೆಲವು ಕಟ್ಟಡಗಳಿಗೆ ಹಾನಿಯಾಗಿದೆ ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.

ಸಾವುನೋವುಗಳ ಬಗ್ಗೆ ಯಾವುದೇ ವರದಿ ಬಂದಿಲ್ಲ ಎಂದು ಮಾಂಡಲೆ ಪ್ರದೇಶದ ಅಗ್ನಿಶಾಮಕ ಸೇವಾ ಇಲಾಖೆಯ ಅಧಿಕಾರಿಯೊಬ್ಬರು  ತಿಳಿಸಿದ್ದಾರೆ.