ಕೆನಡಾ: ಕೆನಡಾ ಪ್ರಧಾನಿ ಜಸ್ಟಿನ್ ಟ್ರಾಡೋ ಸರ್ಕಾರದಲ್ಲಿ ಭಾರತ ಮೂಲದ ಅನಿತಾ ಆನಂದ್(54)ರನ್ನು ನೂತನ ರಕ್ಷಣಾ ಸಚಿವರಾಗಿ ನೇಮಕ ಮಾಡಲಾಗಿದೆ.
ಈ ಸ್ಥಾನಕ್ಕೇರಿರುವ 2ನೇ ಮಹಿಳಾ ನಾಯಕಿ ಇವರಾಗಿದ್ದಾರೆ. ಇವರ ಆಡಳಿತಕ್ಕೂ ಮೊದಲು ಭಾರತ ಮೂಲದ ಹರ್ಜಿತ್ ಸಜ್ಜನ್ ಅವರು ಕೆನಡಾ ರಕ್ಷಣಾ ಸಚಿವರಾಗಿ ಸೇವೆ ಸಲ್ಲಿಸಿದ್ದರು.
ಕೋವಿಡ್ ಸಂದರ್ಭದಲ್ಲಿ ಅನಿತಾ ಆನಂದ್ ಕಾರ್ಯ ಮೆಚ್ಚುಗೆಗೆ ಪಾತ್ರವಾಗಿದೆ. ಶೀಘ್ರವಾಗಿ ಕೋವಿಡ್ 19 ಲಸಿಕೆಗಳು ದೇಶಕ್ಕೆ ಲಭ್ಯವಾಗುವಂತೆ ಮಾಡುವುದರಲ್ಲಿ ಅವರ ಪಾತ್ರ ಪ್ರಮುಖವಾಗಿತ್ತು.
ಅನಿತಾ ತಂದೆ ಆನಂದ್ ತಮಿಳುನಾಡಿನವರು, ತಾಯಿ ದಿ. ಸರೋಜಾ ಡಿ ರಾಮ್ ಪಂಜಾಬ್ನವರು. ಜಸ್ಟಿನ್ ಸಂಪುಟದಲ್ಲಿ ಶೇ.50ರಷ್ಟು ಮಹಿಳೆಯರೇ ಸಚಿವರಾಗಿರುವುದು ವಿಶೇಷ.