ವಿಶ್ವಸಂಸ್ಥೆಯ ಹೆಲಿಕಾಪ್ಟರ್ ಮೇಲೆ ಗುಂಡಿನ ದಾಳಿ!

ಜುಬಾ: ಅಪ್ಪರ್ ನೈಲ್ ರಾಜ್ಯದ ನಾಸಿರ್‌‌ನಲ್ಲಿ ಸ್ಥಳಾಂತರ ಕಾರ್ಯಾಚರಣೆ ನಡೆಸುತ್ತಿದ್ದ ವಿಶ್ವಸಂಸ್ಥೆಯ ಹೆಲಿಕಾಪ್ಟರ್ ಮೇಲೆ ಶನಿವಾರ ಗುಂಡಿನ ದಾಳಿ ನಡೆಸಲಾಗಿದೆ.

ಗುಂಡಿನ ದಾಳಿಯ ಪರಿಣಾಮವಾಗಿ ಓರ್ವ ಸಿಬ್ಬಂದಿ ಸಾವನ್ನಪ್ಪಿದ್ದು, ಇಬ್ಬರಿಗೆ ಗಂಭೀರ ಗಾಯಗಳಾಗಿವೆ. ಗಾಯಗೊಂಡ ಜನರಲ್ ಸೇರಿದಂತೆ ದಕ್ಷಿಣ ಸುಡಾನ್ ಪೀಪಲ್ಸ್ ಡಿಫೆನ್ಸ್ ಫೋರ್ಸ್(ಎಸ್‌ಎಸ್‌ಪಿಡಿಎಫ್) ನ ಹಲವು ಸದಸ್ಯರು ದಕ್ಷಿಣ ಸುಡಾನ್‌ನಲ್ಲಿನ ಯುನೈಟೆಡ್ ನೇಷನ್ಸ್ ಮಿಷನ್(ಯುಎನ್‌ಎಂಐಎಸ್‌ಎಸ್) ಅವರನ್ನು ಆ ಪ್ರದೇಶದಿಂದ ಕರೆದೊಯ್ಯಲು ಪ್ರಯತ್ನಿಸಿದಾಗ ಸಾವನ್ನಪ್ಪಿದ್ದಾರೆ.

SSPDF ಮತ್ತು ಸಶಸ್ತ್ರ ಯುವಕರ ನಡುವಿನ ಇತ್ತೀಚಿನ ಘರ್ಷಣೆಗಳಿಂದ ಗಮನಾರ್ಹ ಸಾವು-ನೋವುಗಳು ಮತ್ತು ನಾಗರಿಕ ಸ್ಥಳಾಂತರಕ್ಕೆ ಕಾರಣವಾಗಿದೆ. ನಾಸಿರ್‌ನಲ್ಲಿ ಹಿಂಸಾಚಾರ ತಡೆಗಟ್ಟಲು ಮತ್ತು ರಾಜಕೀಯ ಉದ್ವಿಗ್ನತೆ ಕಡಿಮೆ ಮಾಡಲು UNMISS ಮಾಡಿದ ಪ್ರಯತ್ನಗಳ ಭಾಗವಾಗಿ ಈ ಸ್ಥಳಾಂತರ ಪ್ರಕ್ರಿಯೆ ನಡೆಯುತ್ತಿದೆ.

UNMISS ಸಿಬ್ಬಂದಿಯ ಮೇಲಿನ ದಾಳಿ ಖಂಡನೀಯ. ಇದು ಅಂತಾರಾಷ್ಟ್ರೀಯ ಕಾನೂನಿನ ಅಡಿಯಲ್ಲಿ ಯುದ್ಧ ಅಪರಾಧವಾಗಬಹುದು. ನಮ್ಮ ಸಹೋದ್ಯೋಗಿಯ ದುರಂತ ಅಂತ್ಯಕ್ಕೆ ನಾವು ತೀವ್ರವಾಗಿ ವಿಷಾದಿಸುತ್ತೇವೆ ಮತ್ತು ಅವರ ಪ್ರೀತಿಪಾತ್ರರಿಗೆ ನಮ್ಮ ಪ್ರಾಮಾಣಿಕ ಸಂತಾಪವನ್ನು ವ್ಯಕ್ತಪಡಿಸುತ್ತೇವೆ ಎಂದು UNMISS ನ ಪ್ರಧಾನ ಕಾರ್ಯದರ್ಶಿಯ ವಿಶೇಷ ಪ್ರತಿನಿಧಿ ಮತ್ತು ಮುಖ್ಯಸ್ಥ ನಿಕೋಲಸ್ ಹೇಸಮ್ ಹೇಳಿದ್ದಾರೆ.