ಪ್ಯಾರಿಸ್: ಕೆಲವು ದಿನಗಳ ಹಿಂದಷ್ಟೇ ಫ್ರಾನ್ಸ್ನಲ್ಲಿ ಬಂಧನಕ್ಕೆ ಒಳಗಾಗಿದ್ದ ಟೆಲಿಗ್ರಾಮ್ ಸಂಸ್ಥಾಪಕ ಪಾವೆಲ್ ದುರೊವ್ಗೆ ಫ್ರೆಂಚ್ ಕೋರ್ಟ್ ಜಾಮೀನಿನ ಮೇಲೆ ಬಿಡುಗಡೆ ಮಾಡಿದೆ.
ದುರೊವ್ ಸ್ಥಾಪಿತ ಟೆಲಿಗ್ರಾಮ್ ಆ್ಯಪ್ನಲ್ಲಿ ಅಪ್ರಾಪ್ತರ ಲೈಂಗಿಕ ವಿಡಿಯೋಗಳು, ಅಕ್ರಮ ಹಣ ವರ್ಗಾವಣೆ, ಭಯೋತ್ಪಾದನೆಗೆ ಪ್ರೇರಣೆ, ಡ್ರಗ್ ಟ್ರಾಫಿಕಿಂಗ್ ಮತ್ತು ವಂಚನೆ ಸೇರಿದಂತೆ ಹಲವು ಆರೋಪಗಳ ಮೇಲೆ ದುರೊವರನ್ನ ಬಂಧಿಸಲಾಗಿತ್ತು. ಈಗ ಫ್ರೆಂಚ್ ಕೊರ್ಟ್ ಷರತ್ತುಬದ್ಧ ಜಾಮೀನು ನೀಡಿ ಅವರನ್ನು ಬಿಡುಗಡೆ ಮಾಡಿದೆ.
ಷರತ್ತು ಬದ್ಧ ಜಾಮೀನಿಗೆ 50 ಲಕ್ಷ ಯುರೋಸ್ ಅಂದ್ರೆ ಭಾರತದ 46 ಕೋಟಿ ರೂಪಾಯಿಗಳ ಬಾಂಡ್ ಮೇಲೆ ದುರೊವ್ನನ್ನು ಬಿಡುಗಡೆ ಮಾಡಲಾಗಿದೆ. ಅದು ಅಲ್ಲದೇ ದುರೊವ್ಗೆ ಫ್ರೆಂಚ್ ಕೋರ್ಟ್ ಅನೇಕ ಷರತ್ತುಗಳನ್ನು ವಿಧಿಸಿದೆ.
ಸದಾ ದೇಶದಿಂದ ದೇಶಕ್ಕೆ ಅಲೆದಾಡುವ ವಿಲಾಸಿ ಬದುಕಿನ ದುರೊವ್ಗೆ ಫ್ರಾನ್ಸ್ ಬಿಟ್ಟು ಎಲ್ಲೂ ತೆರಳದಂತೆ ಹೇಳಿದೆ ಅಲ್ಲದೇ ವಾರಕ್ಕೆ ಎರಡು ಬಾರಿ ಪೊಲೀಸ್ ಠಾಣೆಗೆ ಹಾಜರಾಗಿ ರುಜು ಹಾಕಬೇಕ ಎಂದು ಕೂಡ ಷರತ್ತು ವಿಧಿಸಿದೆ.