ಕಠ್ಮಂಡು: ನೇಪಾಳದ ಅನ್ನಪೂರ್ಣ ಪರ್ವತದ ಕ್ಯಾಂಪ್ III ರ ಕೆಳಗೆ ಭಾರತೀಯ ಪರ್ವತಾರೋಹಿಯೊಬ್ಬರು ಮಂಗಳವಾರ ಮಧ್ಯಾಹ್ನ ನಾಪತ್ತೆಯಾಗಿದ್ದಾರೆ ಎಂದು ಅಧಿಕಾರಿಯೊಬ್ಬರು ಐಎಎನ್‌ಎಸ್‌ಗೆ ಖಚಿತಪಡಿಸಿದ್ದಾರೆ.
ಸೆವೆನ್ ಸಮ್ಮಿಟ್ ಟ್ರೆಕ್ಸ್‌ನ ಅಧ್ಯಕ್ಷ ಮಿಂಗ್ಮಾ ಶೆರ್ಪಾ ಹಿಮಾಲಯನ್ ಟೈಮ್ಸ್‌ಗೆ ಈ ವಿಷಯ ತಿಳಿಸಿದ್ದು, ರಾಜಸ್ಥಾನದ ಕಿಶನ್‌ಗರ್ಗ್‌ನ ಅನುರಾಗ್ ಮಾಲೂ,( 34,) ಕ್ಯಾಂಪ್ III ನಿಂದ ಇಳಿಯುವಾಗ ಸುಮಾರು 6,000 ಮೀಟರ್‌ನಿಂದ ಕೆಳಗೆ ಬಿದ್ದು ನಾಪತ್ತೆಯಾಗಿದ್ದಾರೆ ಎಂದು ತಿಳಿಸಿದ್ದಾರೆ.
ಅನುರಾಗ್ ಮಾಲೂ ಕಳೆದ ವರ್ಷವಷ್ಟೇ ಮೌಂಟ್ ಅಮಾ ದಬ್ಲಾಮ್ ಅನ್ನು ಯಶಸ್ವಿಯಾಗಿ ಏರಿದ್ದರು. ಈ ಋತುವಿನಲ್ಲಿ ಮೌಂಟ್ ಎವರೆಸ್ಟ್, ಅನ್ನಪೂರ್ಣ ಮತ್ತು ಲೊಟ್ಸೆಯನ್ನು ಏರಲು ಯೋಜಿಸಿದ್ದರು.
ಮಾಲೂ ಅವರಿಗೆ ಈ ಹಿಂದೆ ಕರಮ್‌ವೀರ್ ಚಕ್ರವನ್ನು ನೀಡಲಾಗಿತ್ತು. ಅವರು ಪರ್ವತಗಳನ್ನು ಏರಲು ಪ್ರಸಿದ್ಧ ಪರ್ವತಾರೋಹಿ ಬಚೇಂದ್ರಿ ಪಾಲ್ ಅವರ ಮಾರ್ಗದರ್ಶನ ಪಡೆದಿದ್ದರು ಎಂದು ಮಾಧ್ಯಮಗಳು ವರದಿ ಮಾಡಿವೆ.
