ದುಬೈ: ಕಳೆದ 11 ವರ್ಷಗಳಿಂದ ಯುಎಇಯಲ್ಲಿ ನೆಲೆಸಿರುವ ಭಾರತೀಯ ವಲಸಿಗರೊಬ್ಬರಿಗೆ ಅದೃಷ್ಟವೊಂದು ಖುಲಾಯಿಸಿದೆ.
ಭಾರತೀಯ ಮೂಲದ ಶ್ರೀಜು ಅವರು ಮಹಜೂಜ್ ಸ್ಯಾಟರ್ಡೇ ಮಿಲಿಯನ್ಸ್ ಸಾಪ್ತಾಹಿಕ ಡ್ರಾದ 64 ನೇ ಮಿಲಿಯನೇರ್ ಆಗಿದ್ದು 20 ಮಿಲಿಯನ್ AED ( 45,30,00,000 ರೂ.) ಗೆದ್ದಿದ್ದಾರೆ. ತೈಲ ಉದ್ಯಮವೊಂದರಲ್ಲಿ ಕಂಟ್ರೋಲ್ ರೂಂ ಆಪರೇಟರ್ ಆಗಿ ಕೆಲಸ ಮಾಡುತ್ತಿರುವ ಶ್ರೀಜು ಅವರು ಕಳೆದ ವಾರದ ಲಾಟರಿ ಡ್ರಾ ದಲ್ಲಿ ಬಹುಮಾನ ಬಂದಿದೆ. ನಾನು ಸಾಪ್ತಾಹಿಕ ಡ್ರಾದಲ್ಲಿ ಬೃಹತ್ ಮೊತ್ತ ಗೆದ್ದಿರುವ ವಿಚಾರ ತಿಳಿದಾಗ ನನ್ನನ್ನೆ ನಾನು ನಂಬದಂತಾಯಿತು ಎಂದು ಶ್ರೀಜು ಹೇಳಿದ್ದಾರೆ.
ಅವಳಿ ಮಕ್ಕಳ ತಂದೆಯಾದ ಶ್ರೀಜು ಕಳೆದ ಮೂರು ವರ್ಷಗಳಿಂದ ಮಹಜೂಜ್ ಡ್ರಾದಲ್ಲಿ ಟಿಕೇಟ್ ಖರೀದಿಸುತ್ತಿದ್ದರು. ಒಂದಲ್ಲ ಒಂದು ದಿನ ನನಗೆ ಬಹುಮಾನ ಬರುತ್ತದೆ ಎಂಬ ವಿಶ್ವಾಸವಿತ್ತು. ಆದರೆ ಆ ದಿನ ಇಷ್ಟು ಬೇಗ ಬರುತ್ತದೆ ಎಂಬುದನ್ನು ನಂಬಲಾಗುತ್ತಿಲ್ಲ ಎಂದು ತಿಳಿಸಿದ್ದಾರೆ.
ಶ್ರೀಜು ಬಹುಮಾನದ ಹಣದಲ್ಲಿ ಭಾರತದಲ್ಲಿ ಮನೆಯೊಂದನ್ನು ಖರೀದಿಸಲು ಉದ್ದೇಶಿಸಿದ್ದಾರೆ. ಇಷ್ಟು ದೊಡ್ಡ ಮೊತ್ತದ ಹಣ ಸಿಕ್ಕಿದರೂ ಕೂಡ ಕೂಡ ಅವರು ಯುಎಇಯಲ್ಲಿ ಕೆಲಸ ಮುಂದುವರಿಸುವುದಾಗಿ ವಿವರಿಸಿದ್ದಾರೆ.