ವಿಶ್ವಸಂಸ್ಥೆ: ಜೂನ್ 21 ರಂದು ನ್ಯೂಯಾರ್ಕ್‌ನಲ್ಲಿರುವ ವಿಶ್ವ ಸಂಸ್ಥೆಯ ಪ್ರಧಾನ ಕಚೇರಿಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರೊಂದಿಗೆ 9 ನೇ ಅಂತರರಾಷ್ಟ್ರೀಯ ಯೋಗ ದಿನವನ್ನು ಆಚರಿಸಲು ಎದುರು ನೋಡುತ್ತಿದ್ದೇನೆ ಎಂದು ಯುಎನ್ ಜನರಲ್ ಅಸೆಂಬ್ಲಿ ಅಧ್ಯಕ್ಷ ಸಿಸಾಬಾ ಕೊರೊಸಿ ಹೇಳಿದ್ದಾರೆ.
ಈ ಕುರಿತು ಕೊರೊಸಿ ಗುರುವಾರ ಟ್ವೀಟ್ ಮಾಡಿದ್ದು, ಜೂನ್ 21 ರಂದು ಬೆಳಿಗ್ಗೆ 8 ರಿಂದ 9 ರವರೆಗೆ (ಐಎಸ್ಟಿ 5.30 ರಿಂದ 6.30 ರವರೆಗೆ) ಕಾರ್ಯಕ್ರಮ ನಡೆಯಲಿದೆ.
ಯುಎನ್ ನೆಟ್‌ವರ್ಕ್‌ನಲ್ಲಿ (webtv.un.org) ನೇರ ಪ್ರಸಾರ ಮಾಡಲಾಗುವುದು ಎಂದು ವಿಶ್ವಸಂಸ್ಥೆ ಪ್ರಕಟಣೆ ತಿಳಿಸಿದೆ. 2014 ಸೆಪ್ಟೆಂಬರ್‌ ನಲ್ಲಿ ವಿಶ್ವಸಂಸ್ಥೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಭಾಷಣ ಮಾಡಿದ್ದು, ಜೂನ್ 21 (ವಿಶ್ವಯೋಗ ದಿನದಂದು) ಬೇಸಿಗೆಯ ಅಯನ ಸಂಕ್ರಾಂತಿಯನ್ನು ಆಚರಿಸಲು ಸಲಹೆ ನೀಡಿದ್ದರು.
ಆಗ ವಿಶ್ವಸಂಸ್ಥೆಯಲ್ಲಿ ಭಾರತದ ಖಾಯಂ ಪ್ರತಿನಿಧಿಯಾಗಿದ್ದ ಅಶೋಕ್ ಮುಖರ್ಜಿ, ಯೋಗದಿನ ಅಂತಾರಾಷ್ಟ್ರೀಯ ಮಟ್ಟದ ಮನ್ನಣೆ ದೊರೆಕಿಸುವ ನಿಟ್ಟಿನಲ್ಲಿ ಸರ್ವರೀತಿಯ ಪ್ರಯತ್ನ ಮಾಡಿದ್ದರು. ಕೇವಲ ಮೂರು ತಿಂಗಳಿಗಿಂತ ಕಡಿಮೆ ಅವಧಿಯಲ್ಲಿ ಯೋಗಕ್ಕೆ ಅಂತಾರಾಷ್ಟ್ರೀಯ ಮನ್ನಣೆ ದೊರೆಯುವಂತೆ ಮಾಡಿದ್ದರು.
