ಬೀಜಿಂಗ್: ಜಾಗತಿಕ ಸವಾಲುಗಳನ್ನು ಎದುರಿಸಲು ಮತ್ತು ವಿಶ್ವ ಆರ್ಥಿಕ ಚೇತರಿಕೆಗೆ ಉತ್ತೇಜನ ನೀಡಲು ಪ್ರಭಾವಿ ಗುಂಪುಗಳು “ಒಟ್ಟಿಗೆ ಕೆಲಸ ಮಾಡುತ್ತಿವೆ” ಎಂಬುದಕ್ಕೆ ಜಿ20 ಸದಸ್ಯ ರಾಷ್ಟ್ರಗಳು ಅಂಗೀಕರಿಸಿದ ಘೋಷಣೆಯು “ಸಕಾರಾತ್ಮಕ ಸಂಕೇತ” ರವಾನಿಸಿದೆ ಎಂದು ಚೀನಾ ಹೇಳಿದೆ. ಭಾನುವಾರ ಮುಕ್ತಾಯಗೊಂಡ ಎರಡು ದಿನಗಳ ಜಿ 20 ಶೃಂಗಸಭೆ ಬಗ್ಗೆ ಮೊದಲ ಬಾರಿಗೆ ಚೀನಾದ ವಿದೇಶಾಂಗ ಸಚಿವಾಲಯ ಪ್ರತಿಕ್ರಿಯೆ ನೀಡಿದೆ.
ಜಾಗತಿಕ ಸವಾಲುಗಳನ್ನು ನಿಭಾಯಿಸಲು ಮತ್ತು ವಿಶ್ವ ಆರ್ಥಿಕ ಚೇತರಿಕೆ ಮತ್ತು ಜಾಗತಿಕ ಅಭಿವೃದ್ಧಿಯನ್ನು ಉತ್ತೇಜಿಸಲು G20 ಒಟ್ಟಾಗಿ ಕೆಲಸ ಮಾಡುವ ಧನಾತ್ಮಕ ಸಂಕೇತವನ್ನು ಕಳುಹಿಸಿದೆ ಎಂದು ಚೀನಾ ವಿದೇಶಾಂಗ ಸಚಿವಾಲಯದ ವಕ್ತಾರ ಮಾವೋ ನಿಂಗ್ ಹೇಳಿದ್ದಾರೆ. ದೆಹಲಿ ಶೃಂಗಸಭೆಯ ತಯಾರಿ ಪ್ರಕ್ರಿಯೆಯಲ್ಲಿ, ಚೀನಾ ರಚನಾತ್ಮಕ ಪಾತ್ರವನ್ನು ವಹಿಸಿದೆ. ಅಭಿವೃದ್ಧಿಶೀಲ ರಾಷ್ಟ್ರಗಳ ಕಾಳಜಿಗೆ ಪ್ರಾಮುಖ್ಯತೆಯನ್ನು ಒದಗಿಸಲು ಚೀನಾ ಯಾವಾಗಲೂ ಬದ್ಧವಾಗಿದೆ ಎಂದು ನಿಂಗ್ ಹೇಳಿದ್ದಾರೆ. ಅದೇ ರೀತಿ ರಷ್ಯಾ ಉಕ್ರೇನ್ ವಿಚಾರದಲ್ಲಿ ಚೀನಾದ ನಿಲುವು ನಿಲುವು ಸ್ಥಿರ ಮತ್ತು ಸ್ಪಷ್ಟವಾಗಿದೆ ಎಂದು ಹೇಳಿದ್ದಾರೆ.
“ಉಕ್ರೇನ್ ಬಿಕ್ಕಟ್ಟಿನ ಅಂತಿಮ ಪರಿಹಾರದ ಕೀಲಿಯು ಶೀತಲ ಸಮರದ ಮನಸ್ಥಿತಿಯನ್ನು ತ್ಯಜಿಸುವುದು, ಮಾತುಕತೆಯಲ್ಲಿದೆ ಎಂಬುದನ್ನು ಚೀನಾ ದೃಢವಾಗಿ ನಂಬಿದೆ ಎಂದು ಹೇಳಿದ್ದಾರೆ.