ಕೋಲ್ಕತಾ: ಗೌಪ್ಯ ಭದ್ರತಾ ಮಾಹಿತಿಯನ್ನು ಪಡೆದುಕೊಳ್ಳಲು ಮತ್ತು ಅವುಗಳನ್ನು ಪಾಕಿಸ್ತಾನದ ರಹಸ್ಯ ಸೇವಾ ಸಂಸ್ಥೆಗೆ ರವಾನಿಸಲು ಹನಿ ಟ್ರ್ಯಾಪಿಂಗ್ ಡ್ರೈವ್ಗೆ ಪ್ರಯತ್ನಿಸುತ್ತಿದ್ದ ವ್ಯಕ್ತಿಯನ್ನು ವಿಶೇಷ ಕಾರ್ಯಪಡೆ (ಎಸ್ಟಿಎಫ್) ಬಂಧಿಸಿದೆ ಎಂದು ಕೋಲ್ಕತಾ ಪೊಲೀಸರು ಇಂದು (ಆ.26) ತಿಳಿಸಿದ್ದಾರೆ.
ಬಂಧಿತ ವ್ಯಕ್ತಿಯನ್ನು ಬಿಹಾರದ ದರ್ಭಾಂಗ ಜಿಲ್ಲೆಯ ಭಕ್ತ ಬನ್ಶಿ ಝಾ (36) ಎಂದು ಗುರುತಿಸಲಾಗಿದೆ. ಕೋಲ್ಕತಾದ ಲಾಲ್ ಬಜಾರ್ನಲ್ಲಿರುವ ಕೋಲ್ಕತಾ ಪೊಲೀಸ್ ಪ್ರಧಾನ ಕಚೇರಿಯ ಎಸ್ಟಿಎಫ್ ಕಚೇರಿಯಲ್ಲಿ ಶುಕ್ರವಾರ ಸಂಜೆ ಅವರನ್ನು ವಿಚಾರಣೆಗೆ ಕರೆಸಲಾಯಿತು. ಸುದೀರ್ಘ ವಿಚಾರಣೆಯ ನಂತರ, ಝಾ ಅವರನ್ನು ಬಂಧಿಸಲಾಗಿದೆ.
“ವಿಚಾರಣೆಯ ಸಮಯದಲ್ಲಿ ಅವರ ಮೊಬೈಲ್ ಫೋನ್ನಿಂದ ಛಾಯಾಚಿತ್ರಗಳು, ವೀಡಿಯೊಗ್ರಾಫ್ಗಳು ಮತ್ತು ಆನ್ಲೈನ್ ಚಾಟ್ನಂತಹ ರಹಸ್ಯ ಮಾಹಿತಿಯನ್ನು ಪತ್ತೆ ಹೆಚ್ಚಿದ್ದು, ಇದನ್ನು ಆರೋಪಿ ವ್ಯಕ್ತಿಯು ಪಾಕಿಸ್ತಾನದ ಶಂಕಿತ ಗುಪ್ತಚರ ಕಾರ್ಯಕರ್ತನಿಗೆ ಹಂಚಿಕೊಂಡಿದ್ದಾನೆ” ಎಂದು ನಗರ ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.
ಝಾ ಅವರನ್ನು ಇಂದು ಕೋಲ್ಕತ್ತಾದ ಕೆಳ ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗುವುದು. “ಅಧಿಕೃತ ರಹಸ್ಯಗಳ ಕಾಯ್ದೆ, 1923 ಮತ್ತು ಭಾರತೀಯ ದಂಡ ಸಂಹಿತೆಯ ಸಂಬಂಧಿತ ವಿಭಾಗಗಳ ಅಡಿಯಲ್ಲಿ ಅವರ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.
ವಿವಿಧ ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾರ್ಮ್ ಗಳ ಮೂಲಕ ಝಾ ಆಗಾಗ್ಗೆ ಚಾಟ್ ಮಾಡುತ್ತಿದ್ದ ಪಾಕಿಸ್ತಾನದ ಗುಪ್ತಚರ ಕಾರ್ಯಕರ್ತೆಯನ್ನು ಆರುಷಿ ಶರ್ಮಾ ಎಂದು ಗುರುತಿಸಲಾಗಿದೆ.
ಕೋಲ್ಕತಾಗೆ ಬರುವ ಮೊದಲು, ಝಾ ಸ್ವಲ್ಪ ಸಮಯದವರೆಗೆ ದೆಹಲಿಯಲ್ಲಿ ವಾಸಿಸುತ್ತಿದ್ದರು, ಅಲ್ಲಿ ಅವರು ಪ್ರಮುಖ ರಕ್ಷಣಾ ಸ್ಥಾಪನೆಗಳು ಮತ್ತು ಕಂಟೋನ್ಮೆಂಟ್ ಗಳ ಛಾಯಾಚಿತ್ರಗಳನ್ನು ತೆಗೆದುಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.
