ಲಕ್ನೋ: 2030 ರ ವೇಳೆಗೆ ಎಲ್ಲಾ ರಾಜ್ಯ ಸರ್ಕಾರಿ ವಾಹನಗಳನ್ನು ಕ್ರಮೇಣ ಇವಿ (ವಿದ್ಯುತ್ ಶಕ್ತಿ ಚಾಲಿತ) ವಾಹನಗಳನ್ನಾಗಿ ಬದಲಾಯಿಸಲಾಗುವುದು ಎಂದು ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಹೇಳಿದ್ದಾರೆ.
ಈ ಗುರಿಯನ್ನು ಮುಟ್ಟಲು, ನಾಮ ನಿರ್ದೇಶನದ ಆಧಾರದ ಮೇಲೆ ಟೆಂಡರ್ ಮಾಡದೆಯೇ ಇವಿಗಳನ್ನು ಖರೀದಿಸಬಹುದು. ಅಗತ್ಯವಿದ್ದರೆ, ಇವಿಗಳ ಖರೀದಿಗೆ ನಿಗದಿಪಡಿಸಿದ ಗರಿಷ್ಠ ಮಿತಿಗಿಂತ ಹೆಚ್ಚಿನದನ್ನು ಖರ್ಚು ಮಾಡಬಹುದು ಎಂದು ಇಲಾಖೆಗಳಿಗೆ ತಿಳಿಸಲಾಗಿದೆ ಎಂದು ಅವರು ತಿಳಿಸಿದ್ದಾರೆ.
ಇವಿಗಳು ಪ್ರಸ್ತುತ ಡೀಸೆಲ್ ಮತ್ತು ಪೆಟ್ರೋಲ್ ವಾಹನಗಳಿಗಿಂತ ಹೆಚ್ಚು ದುಬಾರಿಯಾಗಿರುವುದರಿಂದ ಈ ಎರಡು ನಿಬಂಧನೆ ಮಾಡಲಾಗಿದೆ. ಇದರಿಂದ ವಾಹನ ಖರೀದಿಗೆ ಹೆಚ್ಚುವರಿ ಹಣಕಾಸು ಒದಗಿಸಲು ಅವಕಾಶ ದೊರೆಯುತ್ತದೆ ಎಂದು ತಿಳಿಸಿದ್ದಾರೆ.