ಬರೇಲಿ: ರಿಯಲ್ ಎಸ್ಟೇಟ್ ಏಜೆಂಟ್, ಉತ್ತರ ಪ್ರದೇಶದ ಬಿಜೆಪಿ ನಾಯಕ ಓಂ ಸಾಗರ್ ಚಂದ್ರನ ಮೇಲೆ ಒಂದು ಎಕರೆ ಭೂಮಿಯನ್ನು ಖರೀದಿಸಿದ್ದಾರೆ. ಸಾಗರ್ ಅವರು ತಮ್ಮ ಮಗ ನಾಮಯ ಸಾಗರ್ ಅವರ ಹೆಸರಿನಲ್ಲಿ ಭೂಮಿಯನ್ನು ಖರೀದಿಸಿದ್ದಾರೆ. ನ್ಯೂಯಾರ್ಕ್ ಮೂಲದ ‘ಲೂನಾ ಸೊಸೈಟಿ ಇಂಟರ್ನ್ಯಾಶನಲ್’ ಮೂಲಕ ಭೂಮಿಯನ್ನು ಖರೀದಿಸಿರುವುದಾಗಿ ಸಾಗರ್ ಹೇಳಿದ್ದಾರೆ.
ಚಂದ್ರನ ಮೇಲಿನ ಭೂಮಿ ನನ್ನ ಮಗನಿಗೆ ನಾನು ನೀಡಿರುವ ಕೊಡುಗೆ ಎಂದು ಅವರು ಹೇಳಿಕೊಂಡಿದ್ದಾರೆ. ಲೂನಾ ಸೊಸೈಟಿ ಇಂಟರ್ನ್ಯಾಶನಲ್ ಸಂಸ್ಥೆ ಚಂದ್ರನ ಮೇಲೆ ಭೂಮಿ ಖರೀದಿ ನಡೆಸುವ ಸಂಸ್ಥೆ ಎಂದು ವೆಬ್ಸೈಟ್ನಲ್ಲಿ ಹೇಳಿಕೊಂಡಿದ್ದು, ಅದಕ್ಕೆ ಸಂಬಂಧಿಸಿದಂತೆ ದರಪಟ್ಟಿಯನ್ನು ಪ್ರಕಟಿಸಿದೆ.