ನೋಯ್ಡಾ: ನೋಯ್ಡಾ ಸೆಕ್ಟರ್ 75 ರಲ್ಲಿ ಇಂದು ಬೆಳಗಿನ ಜಾವ ಬೆಂಕಿ ಕಾಣಿಸಿಕೊಂಡು 12 ಅಂಗಡಿಗಳು ಮತ್ತು 16 ಫ್ಲಾಟ್‌ಗಳು ಬೆಂಕಿಗೆ ಆಹುತಿಯಾಗಿವೆ. ಗಾರ್ಡೇನಿಯಾ ಗಾಲ್ಫ್ ಸಿಟಿಯ ನೋಯ್ಡಾ ಸೆಕ್ಟರ್ 75 ರ ಶಾಪಿಂಗ್ ಕಾಂಪ್ಲೆಕ್ಸ್‌ನಲ್ಲಿ ಬೆಂಕಿ ಕಾಣಿಸಿಕೊಂಡಿದ್ದು ಅಗ್ನಿ ಅವಘಡದಲ್ಲಿ 12 ಅಂಗಡಿಗಳು ನಾಶವಾಗಿವೆ.
ನೋಯ್ಡಾ ಸೆಕ್ಟರ್ 75 ರ ಗಾರ್ಡೇನಿಯಾ ಗಾಲ್ಫ್ ಸಿಟಿಯಲ್ಲಿ ಗುರುವಾರ ಸಂಭವಿಸಿದ ಬೆಂಕಿಯಲ್ಲಿ ಸುಮಾರು ಹನ್ನೆರಡು ಅಂಗಡಿಗಳು ಸುಟ್ಟುಹೋಗಿವೆ ಮತ್ತು ಹದಿನಾರು ಫ್ಲಾಟ್‌ಗಳು ಹಾನಿಗೊಳಗಾಗಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಬೆಳಗಿನ ಜಾವ 4 ಗಂಟೆ ಸುಮಾರಿಗೆ ಬೆಂಕಿ ಕಾಣಿಸಿಕೊಂಡಿದ್ದು ಅಂಗಡಿಗಳು ನೆಲ ಮಹಡಿಯಲ್ಲಿ ಮತ್ತು ಫ್ಲಾಟ್‌ಗಳು ಮೇಲಿನ ಮಹಡಿಯಲ್ಲಿ ಬೆಂಕಿ ಏಕಾಏಕಿ ಆವರಿಸಿದೆ. ಅಗ್ನಿಶಾಮಕ ಸಿಬ್ಬಂದಿ ಅರ್ಧ ಗಂಟೆಯಲ್ಲಿ ಬೆಂಕಿ ನಂದಿಸಿದ್ದು, ಯಾರಿಗೂ ಗಾಯಗಳಾಗಿಲ್ಲ
ಜೊತೆಗೆ 16 ಫ್ಲಾಟ್‌ಗಳಿಗೆ ಹಾನಿಯಾಗಿದೆ. ಬೆಂಕಿಗೆ ಆಹುತಿಯಾದ ಅಂಗಡಿಗಳು ನೆಲ ಮಹಡಿಯಲ್ಲಿದ್ದರೆ ಮೇಲಿನ ಮಹಡಿಯಲ್ಲೂ ಬೆಂಕಿ ಆವರಿಸಿಕೊಂಡಿದೆ. ಬೆಂಕಿ ಆವರಿಸಿಕೊಂಡ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಘಟನೆಗೆ ನಿಖರ ಕಾರಣ ಏನು ಎಂದು ಇನ್ನೂ ತಿಳಿದು ಬಂದಿಲ್ಲ. ಅಗ್ನಿ ಶಾಮಕ ದಳ, ಸ್ಥಳೀಯ ಪೊಲೀಸರು ಬೆಂಕಿ ನಂದಿಸುವ ಕಾರ್ಯದಲ್ಲಿ ಯಶಸ್ವಿಯಾಗಿದ್ದಾರೆ.13 ಟವರ್‌ಗಳಲ್ಲಿ 1026 ಫ್ಲಾಟ್‌ಗಳಿದ್ದು, ಅವುಗಳಲ್ಲಿ 650 ಫ್ಲಾಟ್‌ಗಳು ಆಕ್ರಮಿಸಿಕೊಂಡಿವೆ ಎಂದು ಸ್ಥಳೀಯರು ಹೇಳಿದ್ದಾರೆ. ಸ್ಥಳೀಯ ಮಾರುಕಟ್ಟೆ ಸಂಘದ ಅಧ್ಯಕ್ಷ ವಿಕ್ರಮಸಿಂಗ್ ಯಾದವ್ ಮಾತನಾಡಿ, “ಸೊಸೈಟಿಯಲ್ಲಿ ನೆಲಮಹಡಿಯಲ್ಲಿ 43 ಅಂಗಡಿಗಳಿವೆ. ಸೆಕ್ಯುರಿಟಿ ಗಾರ್ಡ್ ಬೆಳಿಗ್ಗೆ 3:30 ಕ್ಕೆ ಅಂಗಡಿಯಲ್ಲಿ ಬೆಂಕಿಯನ್ನು ಗಮನಿಸಿದರು. ನಂತರ ಸಿಬ್ಬಂದಿ ಇತರ ಅಧಿಕಾರಿಗಳು ಮತ್ತು ಪೊಲೀಸರಿಗೆ ಮಾಹಿತಿ ನೀಡಿದರು. ಘಟನೆಯಲ್ಲಿ ಯಾವುದೇ ಪ್ರಾಣಹಾನಿಯಾಗಿಲ್ಲ “ಎಂದು ಹೇಳಿದರು.
ಘಟನಾ ಸ್ಥಳಕ್ಕೆ ಸೆಕ್ಟರ್ 49 ಪೊಲೀಸ್ ಠಾಣೆಯ ಅಗ್ನಿಶಾಮಕ ದಳದ ಸಿಬ್ಬಂದಿ ಮತ್ತು ಪೊಲೀಸ್ ತಂಡ ಆಗಮಿಸಿ ಬೆಂಕಿಯನ್ನು ನಿಯಂತ್ರಿಸಿದ್ದಾರೆ. ಘಟನೆಯಲ್ಲಿ ಯಾರಿಗೂ ಗಾಯಗಳಾಗಿಲ್ಲ ಎಂದು ಸೆಕ್ಟರ್ 49 ಪೊಲೀಸ್ ಠಾಣೆಯ ಎಸ್‌ಎಚ್‌ಒ ವಿನೋದ್ ಕುಮಾರ್ ತಿಳಿಸಿದ್ದಾರೆ. ಘಟನೆಗೆ ಶಾರ್ಟ್ ಸರ್ಕ್ಯೂಟ್ ಕಾರಣ ಎಂದು ಅವರು ಹೇಳಿದ್ದಾರೆ. ಮೇಲಿನ ಮಹಡಿಗಳಲ್ಲಿ ಬೆಂಕಿ ವೇಗವಾಗಿ ಹರಡಿತು ಮತ್ತು ವಸತಿ ಸಂಕೀರ್ಣದ I ಮತ್ತು J ಟವರ್‌ಗಳಲ್ಲಿರುವ ಫ್ಲಾಟ್‌ಗಳಿಗೆ ಹಾನಿಯಾಗಿದೆ.
“ಇದು ಗಂಭೀರ ಭದ್ರತಾ ಕಾಳಜಿಯೊಂದಿಗೆ ತನಿಖೆಯಾಗಬೇಕು. ಹೆಚ್ಚಾಗಿ ಅಂಗಡಿಗಳನ್ನು ಕಾರ್ಮಿಕರು ನಡೆಸುತ್ತಾರೆಯೇ ಹೊರತು ಅಂಗಡಿ ಮಾಲೀಕರಲ್ಲ. ಅವರಿಗೆ ಅಂಗಡಿಗಳಲ್ಲಿ ಯಾವುದೇ ಭದ್ರತೆ ಇಲ್ಲ “ಎಂದು ಹೆಸರು ಹೇಳಲು ಇಚ್ಚಿಸದ ನಿವಾಸಿ ಹೇಳಿದರು.
ಗಾರ್ಡೇನಿಯಾ ಗಾಲ್ಫ್ ಸಿಟಿಯ ಜನರಲ್ ಮ್ಯಾನೇಜರ್ ಬಸಂತ್ ಉಪಾಧ್ಯಾಯ ಮಾತನಾಡಿ, ಬೆಂಕಿಯು ಕೆಲವು ಫ್ಲಾಟ್‌ಗಳನ್ನು ಹಾನಿಯಾಗಿದೆ. “ನಾವು ತ್ವರಿತ ಕ್ರಮಗಳನ್ನು ಕೈಗೊಂಡಿದ್ದೇವೆ ಮತ್ತು ಬೆಂಕಿಯನ್ನು ನಂದಿಸಲು ಪ್ರಯತ್ನಿಸಿದ್ದೇವೆ. ಬೆಂಕಿ ದೊಡ್ಡದಾಗಿರುವ ಕಾರಣ ನಾವು ಪೊಲೀಸರು ಮತ್ತು ಅಗ್ನಿಶಾಮಕ ದಳದ ಸಿಬ್ಬಂದಿಗೆ ಕರೆ ಮಾಡಿದ್ದೇವೆ ಎಂದು ಅವರು ಹೇಳಿದರು. ಕೇವಲ ಮೂರು ಅಂಗಡಿಗಳು ಸುಟ್ಟು ಕರಕಲಾಗಿದ್ದು ಇತರ ಅಂಗಡಿಗಳಿಗೆ ಸಣ್ಣಪುಟ್ಟ ಹಾನಿಯಾಗಿದೆ ಎಂದರು.
ಡೆವಲಪರ್ ಫ್ಲಾಟ್ ಗಳನ್ನು ರಿಪೇರಿ ಮಾಡುತ್ತಿದ್ದಾರೆ ಎಂದರು. “ಈ ಸಮಸ್ಯೆಯನ್ನು ಚರ್ಚಿಸಲು ನಾವು ಸೋಮವಾರ ಅಂಗಡಿಯ ಮಾಲೀಕರು ಮತ್ತು ನಿವಾಸಿಗಳೊಂದಿಗೆ ಸೊಸೈಟಿಯಲ್ಲಿ ಸಭೆಯನ್ನು ಕರೆದಿದ್ದೇವೆ” ಎಂದಿದ್ದಾರೆ.
