ಚೆನ್ನೈ: ಅಂತಾರಾಷ್ಟ್ರೀಯ ಹುಲಿ ದಿನದ ಅಂಗವಾಗಿ ತಮಿಳುನಾಡು ಮುಖ್ಯಮಂತ್ರಿ ಎಂ.ಕೆ.ಸ್ಟಾಲಿನ್ ಅವರು ಅಕ್ಟೋಬರ್ ನಲ್ಲಿ ‘ಟಿಎನ್ ಗ್ಲೋಬಲ್ ಟೈಗರ್ ಶೃಂಗಸಭೆ’ಗೆ ಚೆನ್ನೈ ಆತಿಥ್ಯ ವಹಿಸಲಿದೆ ಎಂದು ಶುಕ್ರವಾರ ಘೋಷಿಸಿದ್ದಾರೆ.
ಜಾಗತಿಕ ಹುಲಿ ಶೃಂಗಸಭೆಯನ್ನು ನಡೆಸಲು ತಮಿಳುನಾಡು ಸರ್ಕಾರವು ಕೇಂದ್ರ ಸರ್ಕಾರದೊಂದಿಗೆ ಕೈ ಜೋಡಿಸಲಿದೆ ಎಂದು ಮುಖ್ಯಮಂತ್ರಿ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
“ಹುಲಿ ಸಂರಕ್ಷಣೆಯಲ್ಲಿ ತಮಿಳುನಾಡಿನ ಪ್ರವರ್ತಕ ಪ್ರಯತ್ನಗಳಿಗೆ ಈ ಶೃಂಗಸಭೆಯು ಸೂಕ್ತವಾದ ಗೌರವವಾಗಿದೆ” ಎಂದು ಮುಖ್ಯಮಂತ್ರಿ ಹೇಳಿದರು.
ರಾಷ್ಟ್ರೀಯ ಹುಲಿ ಸಂರಕ್ಷಣಾ ಪ್ರಾಧಿಕಾರದ (ಎನ್ಟಿಸಿಎ) ಪ್ರಕಾರ, ತಮಿಳುನಾಡು ರಾಜ್ಯದ ಅರಣ್ಯ ಪ್ರದೇಶಗಳಲ್ಲಿ 264 ಹುಲಿಗಳೊಂದಿಗೆ ದೇಶದ ಸುಮಾರು 10 ಪ್ರತಿಶತದಷ್ಟು ಹುಲಿಗಳ ಸಂತತಿಯನ್ನು ಹೊಂದಿದೆ ಎಂದು ಅವರು ಹೇಳಿದರು.
ಕೊಯಮತ್ತೂರು ಅರಣ್ಯ ವಲಯವು ೨೦ ಹುಲಿಗಳ ಉಪಸ್ಥಿತಿಯನ್ನು ವರದಿ ಮಾಡುವುದರೊಂದಿಗೆ ರಾಜ್ಯದ ಹಲವಾರು ಅರಣ್ಯ ಪ್ರದೇಶಗಳಲ್ಲಿ ಹುಲಿಗಳ ಸಂಖ್ಯೆಯಲ್ಲಿ ಹೆಚ್ಚಳವಾಗಿದೆ.
