ಚೆನ್ನೈ (ಫೆ. 18) : ಮುದ್ದಿನ ಮಗಳು ಅಂತರ್ಜಾತಿ ಮದುವೆಯಾದಳು ಎಂಬ ಏಕೈಕ ಕಾರಣಕ್ಕೆ ತಂದೆ ಹೆಂಡತಿ ಮತ್ತಿಬ್ಬರು ಮಕ್ಕಳನ್ನು ಕೊಂದು ಆತ್ಮಹತ್ಯೆ ಮಾಡಿಕೊಂಡಿರುವ ಘಟನೆ ತಮಿಳುನಾಡಿನ ನಾಗಪಟ್ಟಿನಂನಲ್ಲಿ ನಡೆದಿದೆ. ಪರಿಶಿಷ್ಟ ಜಾತಿ ಯುವಕನನ್ನು ಮಗಳು ಮದುವೆಯಾಗುವುದಕ್ಕೆ ತಂದೆ ವಿರೋಧ ವ್ಯಕ್ತಪಡಿಸಿದ್ದರೂ ಆದರೂ ಮಗಳು ತನ್ನ ಇಚ್ಛೆಯಂತೆ ಪ್ರೀತಿಸಿದ ಹುಡುಗನ ಮದುವೆಯಾದಳು.
ಮಗಳ ಈ ಕಾರ್ಯದಿಂದ ತಂದೆ ಸಾಕಷ್ಟು ನೊಂದು ಈ ಕೃತ್ಯ ಎಸಗಿದ್ದಾರೆ. ಜೊತೆಗೆ ಉಳಿದ ಇಬ್ಬರು ಹೆಣ್ಣು ಮಕ್ಕಳನ್ನು ಕೂಡ ಹತ್ಯೆ ಮಾಡಿದ್ದಾರೆ. ಅದರಲ್ಲಿ ಒಬ್ಬ ಮಗಳು ಇನ್ನು ಅಪ್ರಾಪ್ತೆಯಾಗಿದ್ದಳು ಎಂದು ಪೊಲೀಸರು ತಿಳಿಸಿದ್ದಾರೆ.
ಲಕ್ಷಣ್ ಎಂಬ ತಂದೆ ಸಾವನ್ನಪ್ಪಿದವರು. ಈತ ನಾಗಪಟ್ಟಿನಂನಲ್ಲಿ ಟೀ ಶಾಪ್ ನಡೆಸುತ್ತಿದ್ದರು. ಇವರ ಮೊದಲ ಮಗಳು ಅಂತರ್ಜಾತಿ ವಿವಾಹ ಆಗಿದ್ದಾಳೆ. ಆಕೆ ಸದ್ಯ ಗಂಡನೊಂದಿಗೆ ಜೀವನ ನಡೆಸುತ್ತಿದ್ದು, ಸರುಕ್ಷಿತವಾಗಿದ್ದಾಳೆ. ಘಟನೆ ಕುರಿತು ಪ್ರಕರಣ ದಾಖಲಿಸಿದ್ದು, ತನಿಖೆ ಆರಂಭಿಸಲಾಗಿದೆ ಎಂದು ನಾಗಪಟ್ಟಿನಂ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಜಿ ಜವಹರ್ ತಿಳಿಸಿದ್ದಾರೆ.