ಚಂಡೀಗಢ : ಲಿವ್ ಇನ್ ರಿಲೇಶನ್ ಶಿಪ್ ಕುರಿತಂತೆ ಪಂಜಾಬ್-ಹರಿಯಾಣ ಹೈಕೋರ್ಟ್ ಮಹತ್ವದ ತೀರ್ಪು ನೀಡಿದ್ದು, ಕೆಲವು ದಿನಗಳ ಕಾಲ ಒಟ್ಟಿಗೆ ಬದುಕಿದಾಕ್ಷಣ ಅದನ್ನು ಲಿವ್ ಇನ್ ರಿಲೇಷನ್ ಶಿಪ್ ಎಂದು ವಾದಿಸಲಾಗುವುದಿಲ್ಲ,ಸಹಬಾಳ್ವೆಯೊಂದಿಗೆ ಬದುಕಿದ್ದರೆ ಮಾತ್ರವೇ ಅದು ದಾಂಪತ್ಯಕ್ಕೆ ಸರಿಹೊಂದುವ ಲಿವ್ ಇನ್ ರಿಲೇಶನ್ ಶಿಪ್ ಆಗುತ್ತದೆ ಎಂದು ನ್ಯಾಯಾಲಯ ಹೇಳಿದೆ.
ಹರಿಯಾಣದ ಯಮುನಾನಗರ ಜಿಲ್ಲೆಯ ದಂಪತಿಗಳು ತಮ್ಮ ಕುಟುಂಬ ಸದಸ್ಯರಿಂದ ರಕ್ಷಣೆ ಕೋರಿ ಸಲ್ಲಿಸಿದ್ದ ಮನವಿಯನ್ನು ವಜಾಗೊಳಿಸಿಹೈಕೋರ್ಟ್ ನ ನ್ಯಾಯಮೂರ್ತಿ ಮನೋಜ್ ಬಜಾಜ್ ಈ ಆದೇಶವನ್ನು ಹೊರಡಿಸಿದ್ದಾರೆ.
ದೀರ್ಘ ಕಾಲಾವಧಿಯಲ್ಲಿ ಯುವಕ ಮತ್ತು ಯುವತಿ ಇಬ್ಬರೂ ಜವಾಬ್ದಾರಿ ಹಂಚಿಕೊಂಡು, ಸಹಬಾಳ್ವೆಯೊಂದಿಗೆ ಬದುಕಿದ್ದರೆ ಮಾತ್ರವೇ ಅದು ದಾಂಪತ್ಯಕ್ಕೆ ಸರಿಹೊಂದುವ ಲಿವ್ ಇನ್ ರಿಲೇಶನ್ ಶಿಪ್ ಆಗುತ್ತದೆ ಎಂದು ನ್ಯಾಯಾಲಯ ಹೇಳಿದೆ.
