ದೆಹಲಿ: ಪ್ರಯಾಣಕ್ಕೆ ಟಿಕೆಟ್ ಪಡೆಯಲು ದೆಹಲಿ ಮೆಟ್ರೋ ರೈಲು ನಿಗಮ ಇಂದ್ರಪ್ರಸ್ತ ಐಐಟಿ ಅಭಿವೃದ್ಧಿಪಡಿಸಿರುವ One Delhi App ಅನ್ನು ಪರಿಚಯಿಸಿದೆ.
ಇದರಿಂದ ಮೆಟ್ರೋ ಮತ್ತು ಬಸ್ ಗಳಲ್ಲಿ ಪ್ರಯಾಣಿಕರು ಕ್ಯೂಆರ್ ಮೂಲಕ ಟಿಕೆಟ್ ಪಡೆಯಬಹುದು ಎಂದು DMRCಯ ಪ್ರಧಾನ ಕಾರ್ಯನಿರ್ವಾಹಕ ನಿರ್ದೇಶಕ ಅಂಜು ದಯಾಳ್ ತಿಳಿಸಿದ್ದಾರೆ.
ಈ ಮೊದಲು ಮೆಟ್ರೋ ಟಿಕೆಟ್ ಗಾಗಿ DMRC ಸಾರಥಿ ಆಪ್ ಇತ್ತು. ಜನ ಹೀಗೆ ಅನೇಕ ಆಪ್ ಬಳಸುವ ತಾಪತ್ರಯವನ್ನು ತಪ್ಪಿಸುವ ಸಲುವಾಗಿ ಈ ಹೆಜ್ಜೆ ಇಡಲಾಗಿದೆ ಮತ್ತು ಇದು ಗ್ರಾಹಕ ಸ್ನೇಹಿಯಾಗಿದೆ ಎಂದು ಹೇಳಲಾಗಿದೆ.
ಟಿಕೆಟ್ ಪಡೆಯುವುದರ ಜೊತೆಗೆ ಪ್ರಯಾಣ ಮಾರ್ಗ, ವೇಳಾಪಟ್ಟಿ, ಸೌಕರ್ಯಗಳ ಬಗೆಗಿನ ವಿವರ, ಸಹಾಯವಾಣಿಗಳಂತಹ ಉಪಯುಕ್ತ ಮಾಹಿತಿಗಳೂ ಇದರಲ್ಲಿ ಲಭಿಸಲಿವೆ.