ಮುಂಬೈ, ಫೆ.22: ಧಾರಾವಿಯ ಕಮಲಾ ನಗರ ಮತ್ತು ಶಾಹು ನಗರ ಪ್ರದೇಶಗಳಲ್ಲಿ ಬುಧವಾರ ಮುಂಜಾನೆ ಹಲವಾರು ಸಣ್ಣ ವ್ಯಾಪಾರ ಸಂಸ್ಥೆಗಳಲ್ಲಿ ಭಾರಿ ಬೆಂಕಿ ಕಾಣಿಸಿಕೊಂಡಿದೆ ಎಂದು ಬಿಎಂಸಿ ವಿಪತ್ತು ನಿಯಂತ್ರಣ ಘಟಕ ತಿಳಿಸಿದೆ.
ಬೆಳಗಿನ ಜಾವ 4.15ರ ಸುಮಾರಿಗೆ ಬೆಂಕಿ ಕಾಣಿಸಿಕೊಂಡಿದ್ದು, ಮೂರು ಕಟ್ಟಡಗಳು ಮತ್ತು ಕೆಲವು ಗುಡಿಸಲುಗಳು, ಗಾರ್ಮೆಂಟ್, ಫ್ಯಾಕ್ಟರಿ, ಬೇಕರಿ, ಗೋಡೌನ್ಗಳು ಮತ್ತು ಇತರ ವ್ಯಾಪಾರಗಳನ್ನು ಹೊಂದಿರುವ ಪ್ರದೇಶವನ್ನು ತ್ವರಿತವಾಗಿ ಆವರಿಸಿದೆ.
ಸುಮಾರು 25 ಅಗ್ನಿಶಾಮಕ ವಾಹನಗಳು ಮತ್ತು ಆಂಬ್ಯುಲೆನ್ಸ್ಗಳು ಬೆಂಕಿಯನ್ನು ನಂದಿಸಲು ಧಾವಿಸಿದವು, ನಾಲ್ಕು ಗಂಟೆಗಳಿಗಿಂತ ಹೆಚ್ಚು ಸಮಯದ ನಂತರ ಅಗ್ನಿ ನಿಯಂತ್ರಣಕ್ಕೆ ತರಲಾಯಿತು ಮತ್ತು ಘಟನೆಯಲ್ಲಿ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ.
ಕಳೆದ ಮೂರು ವಾರಗಳಲ್ಲಿ ಧಾರಾವಿ ಗಾರ್ಮೆಂಟ್ ಘಟಕಗಳಿಂದ ವರದಿಯಾದ ಎರಡನೇ ಬೆಂಕಿ ಪ್ರಕರಣ ಇದಾಗಿದೆ. ಫೆಬ್ರವರಿ 1 ರಂದು ಸಣ್ಣ ಬಟ್ಟೆ ಘಟಕದಲ್ಲಿ ಅಗ್ನಿ ಅವಘಡ ಸಂಭವಿಸಿ 62 ವರ್ಷದ ಮಹಿಳೆ ಸಾವನ್ನಪ್ಪಿದ್ದರು.