ನವದೆಹಲಿ : ಮಹಾರಾಷ್ಟ್ರವು ಶುಕ್ರವಾರ ಮೂರೂವರೆ ವರ್ಷದ ಮಗು ಸೇರಿದಂತೆ ಒಮಿಕ್ರಾನ್ʼನ ಏಳು ಹೊಸ ಪ್ರಕರಣಗಳು ವರದಿಯಾಗಿದ್ದು, ರಾಜ್ಯದಲ್ಲಿ ಒಟ್ಟು ಸೋಂಕಿತರ ಸಂಖ್ಯೆ 17ಕ್ಕೆ ತಲುಪಿದೆ. 7 ಹೊಸ ಪ್ರಕರಣಗಳಲ್ಲಿ ಮೂರು ಮುಂಬೈ ಮತ್ತು ಉಳಿದವು ಪುಣೆಯ ಪಿಂಪ್ರಿ ಚಿಂಚ್ವಾಡ್ʼನಿಂದ ಬಂದಿವೆ.
ಇನ್ನು ಮುಂಬೈನ ಎಲ್ಲಾ ಮೂವರು ಒಮಿಕ್ರಾನ್ ರೋಗಿಗಳು ಕ್ರಮವಾಗಿ ತಾಂಜೇನಿಯಾ, ಯುಕೆ ಮತ್ತು ದಕ್ಷಿಣ ಆಫ್ರಿಕಾ-ನೈರೋಬಿಯಿಂದ ಪ್ರಯಾಣದ ಇತಿಹಾಸವನ್ನ ಹೊಂದಿದ್ದಾರೆ. ಅಂದ್ಹಾಗೆ, ಮುಂಬೈನಲ್ಲಿ ಈಗ ಅಪಾಯಕಾರಿ ರೂಪಾಂತರದ ಐದು ಪ್ರಕರಣಗಳಿವೆ. ಇಂದು ದಾಖಲಾದ 7 ಜನರಲ್ಲಿ ನಾಲ್ಕು ರೋಗಿಗಳು ರೋಗ ಲಕ್ಷಣರಹಿತರಾಗಿದ್ರೆ, ಮೂವರು ಸೌಮ್ಯ ರೋಗ ಲಕ್ಷಣಗಳನ್ನ ಹೊಂದಿದ್ದಾರೆ.
ಪುಣೆಯ ಇತರ 4 ರೋಗಿಗಳು ನೈಜೀರಿಯಾದ ಮಹಿಳೆಯರ ಸಂಪರ್ಕದಲ್ಲಿದ್ದು, ಆಕೆಗೆ ಈಗಾಗಲೇ ಒಮಿಕ್ರಾನ್ ದೃಢಪಟ್ಟಿದೆ. ಇನ್ನು 7 ರೋಗಿಗಳಲ್ಲಿ 4 ರೋಗಿಗಳು ಸಂಪೂರ್ಣ ಲಸಿಕೆ ಪಡೆದಿದ್ದಾರೆ. ಉಳಿದ ಮೂವರಲ್ಲಿ, ಒಬ್ಬರು ಲಸಿಕೆಯ ಒಂದು ಡೋಸ್ ಪಡೆದಿದ್ರೆ, ಇನ್ನೊಬ್ಬರು ಲಸಿಕೆ ಪಡೆದಿಲ್ಲ. ಇನ್ನು ಮೂರನೆಯದು 3 ವರ್ಷದ ಮಗುವಾಗಿದ್ದರಿಂದ ಲಸಿಕೆಗೆ ಅರ್ಹರಲ್ಲ.