ಥಾಣೆ (ಮಹಾರಾಷ್ಟ್ರ): ಡೊಂಬಿವಿಲಿ ಸಮೀಪದ ಸಂದಪ್ ಗ್ರಾಮದಲ್ಲಿ ಶನಿವಾರ ನೀರು ತುಂಬಿದ ಕ್ವಾರಿಯೊಂದರಲ್ಲಿ ಮೂವರು ಮಕ್ಕಳು ಸೇರಿದಂತೆ ಐವರು ನೀರಿನಲ್ಲಿ ಮುಳುಗಿ ಸಾವನ್ನಪ್ಪಿರುವ ಘಟನೆ ನಡೆದಿದೆ.
ವರದಿಗಳ ಪ್ರಕಾರ, ಮೃತರನ್ನು ಮೀರಾ ಗಾಯಕ್ವಾಡ್, ಆಕೆಯ ಸೊಸೆ ಅಪೇಕ್ಷಾ ಮತ್ತು ಮೂವರು ಮೊಮ್ಮಕ್ಕಳಾದ ಮಯೂರೇಶ್, ಮೋಕ್ಷ ಮತ್ತು ನೀಲೇಶ್ ಎಂದು ಗುರುತಿಸಲಾಗಿದೆ.
ಕ್ವಾರಿಯಲ್ಲಿ ಕುಟುಂಬವು ಬಟ್ಟೆ ತೊಳೆಯುತ್ತಿದ್ದಾಗ 13 ವರ್ಷದ ಮೋಕ್ಷ ಕ್ವಾರಿಗೆ ಜಾರಿ ಬಿದ್ದನು. ಈ ವೇಳೆ ಅವನ ಸಹೋದರರು ಮತ್ತು ಇಬ್ಬರು ಮಹಿಳೆಯರು ಅವನನ್ನು ಉಳಿಸಲು ನೀರಿಗೆ ಇಳಿದರು. ಆದ್ರೆ, ಅವರೆಲ್ಲರೂ ಜೀವಂತವಾಗಿ ವಾಪಸ್ ಮೇಲೆ ಬರಲೇ ಇಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.
ಅಗ್ನಿಶಾಮಕ ದಳದ ತಂಡ ಎಲ್ಲಾ ಐದು ಮೃತದೇಹಗಳನ್ನು ಹೊರತೆಗೆದಿದ್ದು, ಅವರನ್ನು ಮರಣೋತ್ತರ ಪರೀಕ್ಷೆಗಾಗಿ ಶಾಸ್ತ್ರಿನಗರ ಆಸ್ಪತ್ರೆಗೆ ರವಾನಿಸಲಾಗಿದೆ.