ಭೋಪಾಲ ; ದೇಗುಲಗಳ ಉತ್ಖನನ ಮಾಡುವ ವೇಳೆ 9ನೇ ಶತಮಾನದ ಶಿವಲಿಂಗ ಉಜ್ಜಯಿನಿಯ ಮಹಾಕಾಲ್ ಮಂದಿರದಲ್ಲಿ ಪತ್ತೆಯಾಗಿದೆ. ಶಿವಲಿಂಗ ಪತ್ತೆ ಆಗಿರುವ ವಿಷಯವನ್ನು ತಿಳಿದು ಸ್ಥಳಕ್ಕಾಗಮಿಸಿದ ಪುರಾತತ್ವ ಶಾಸ್ತ್ರದ ಅಧಿಕಾರಿ ಧ್ರುವೇಂದ್ರ ಜೋಧಾ ವಿಗ್ರಹವನ್ನು ಪರಿಶೀಲಿಸಿ ಇದು 9ನೇ ಶತಮಾನದದ್ದೆಂದು ಖಚಿತಪಡಿಸಿದ್ದಾರೆ.
ಶಿವಲಿಂಗವು 5 ಅಡಿ ಅಡಿ ಎತ್ತರವಿದ್ದು ಇದೇ ವೇಳೆ ದೊರಕಿರುವ ಇಟ್ಟಿಗೆಗಳು 5ನೇ ಶತಮಾನದದ್ದೆಂದು ತಿಳಿದುಬಂದಿದೆ. ಶಿವಲಿಂಗದೊಂದಿಗೆ ವಿಷ್ಣುವಿನ ವಿಗ್ರಹವು ಪತ್ತೆಯಾಗಿದ್ದು ಈ ವಿಗ್ರಹವು 10ನೇ ಶತಮಾನದದ್ದು ಎಂದು ಅಂದಾಜಿಸಲಾಗಿದೆ. ಕೆಲವು ದಿನಗಳ ಹಿಂದೆ ದೇಗುಲವಿರುವ ಸ್ಥಳದಲ್ಲಿ ಕೆಲವು ಮೂರ್ತಿ ಹಾಗೂ ಕೆತ್ತನೆಗಳು ಪತ್ತೆಯಾಗಿದ್ದವು ಎಂದು ಧ್ರುವೇಂದ್ರ ಜೋಧಾ ಅವರು ತಿಳಿಸಿದ್ದಾರೆ.
