ಪಾಲಾ: ಭಾರತೀಯ ಮೂಲದ ನರ್ಸ್ ಕೆನಡಾದಲ್ಲಿ ಸಂಭವಿಸಿದ ಭೀಕರ ರಸ್ತೆ ಅಪಘಾತದಲ್ಲಿ ದುರಂತ ಸಾವಿಗೀಡಾಗಿದ್ದಾರೆ. ಮೃತರನ್ನು ಶಿಲ್ಪಾ ಬಾಬು (44) ಎಂದು ಗುರುತಿಸಲಾಗಿದೆ.
ಶಿಲ್ಪಾ ಅವರು ಕೊಟ್ಟಾಯಂ ಚಾಝಿಕಟ್ಟು ಬಾಬು ಅವರ ಪುತ್ರಿ ಮತ್ತು ಡಾಕ್ಟರ್ ಅನಿಲ್ ಚಾಕೋ ಅವರ ಪತ್ನಿ.ಶಿಲ್ಪಾ ಬಾಬು ಅವರು ಕೇರಳದ ಪಾಲಾದ ಮರಿಯಪುರಂ ಮೂಲದವರು.
ಕೆನಡಾದ ಸೌತ್ ಸರ್ರೆಯಲ್ಲಿ ಮೂರು ದಿನಗಳ ಹಿಂದೆ ನಡೆದ ಕಾರು ಅಪಘಾತದಲ್ಲಿ ಶಿಲ್ಪಾ ಗಾಯಗೊಂಡಿದ್ದರು. ಅವರು ತಮ್ಮ ಮಕ್ಕಳನ್ನು ಸಂಗೀತ ತರಗತಿಯಿಂದ ಕರೆತರಲು ಹೋಗುತ್ತಿದ್ದರು.
ಈ ವೇಳೆ ಅವರ ಕಾರು ಅಪಘಾತಕ್ಕೀಡಾದ ತಕ್ಷಣ ಗಂಭೀರವಾಗಿ ಗಾಯಗೊಂಡಿದ್ದ ಅವರನ್ನು ಸ್ಥಳೀಯರು ಆಸ್ಪತ್ರೆಗೆ ದಾಖಲಿಸಿದ್ದರು. ಆದರೆ, ಚಿಕಿತ್ಸೆ ಫಲಕಾರಿಯಾಗದೇ ಶನಿವಾರ ಮಧ್ಯಾಹ್ನ ಮೃತಪಟ್ಟಿದ್ದಾರೆ.
