ಜಮ್ಮು: ಜಮ್ಮು ಮತ್ತು ಕಾಶ್ಮೀರದ ರಜೌರಿ ಜಿಲ್ಲೆಯ ನಾರ್ಲಾ ಪ್ರದೇಶದಲ್ಲಿ ನಡೆದ ಗುಂಡಿನ ಚಕಮಕಿಯಲ್ಲಿ ಇಬ್ಬರು ಭಯೋತ್ಪಾದಕರು ಹತರಾಗಿದ್ದು ಓರ್ವ ಯೋಧ ಹುತಾತ್ಮರಾಗಿದ್ದಾರೆ ಎಂದು ಅಧಿಕಾರಿಗಳು ಬುಧವಾರ ತಿಳಿಸಿದ್ದಾರೆ.
ಸೆಪ್ಟೆಂಬರ್ 12 ರಂದು ನಡೆದ ಗುಂಡಿನ ಚಕಮಕಿ ನಡೆದಿದ್ದು ಒಬ್ಬ ಭಯೋತ್ಪಾದಕನನ್ನು ಕೊಲ್ಲಲಾಯಿತು. ಕೆಟ್ಟ ಹವಾಮಾನ ಮತ್ತು ಪ್ರತಿಕೂಲ ಭೂಪ್ರದೇಶದ ಹೊರತಾಗಿಯೂ, ಎರಡನೇ ಭಯೋತ್ಪಾದಕನನ್ನು ಸೆಪ್ಟೆಂಬರ್ 13 ರ ಬೆಳಿಗ್ಗೆ ಕೊಲ್ಲಲಾಯಿತು.
ಈ ಪ್ರದೇಶದಲ್ಲಿ ಪಾಕಿಸ್ತಾನದ ಗುರುತು ಹೊಂದಿದ ಔಷಧಗಳು ಸೇರಿದಂತೆ ದೊಡ್ಡ ಪ್ರಮಾಣದ ಯುದ್ದ ಉಪಕರಣಗಳು ದೊರೆತಿವೆ ಎಂದು ಸೇನೆ ತಿಳಿಸಿದೆ. ಈ ವೇಳೆ ಓರ್ವ ಯೋಧ ಹುತಾತ್ಮರಾಗಿದ್ದು, ಎಸ್ಪಿಒಯೊಬ್ಬರು ಗಾಯಗೊಂಡಿದ್ದಾರೆ. ಅದೇ ರೀತಿ ಸೇನೆಯ ಶ್ವಾನ ಕೂಡ ಪ್ರಾಣ ತ್ಯಾಗ ಮಾಡಿದೆ ಎಂದು ಸೇನೆ ಹೇಳಿದೆ.