ಜಮ್ಮು: ಲಡಾಖ್ ನಲ್ಲಿ ಚೀನಾ ಸೇನೆ ಭಾರತದ ಒಂದು ಇಂಚು ಪ್ರದೇಶವನ್ನು ಆಕ್ರಮಿಸಿಕೊಂಡಿಲ್ಲ ಎಂದು ಲೆಫ್ಟಿನೆಂಟ್ ಗವರ್ನರ್, ಬ್ರಿಗೇಡಿಯರ್ ಬಿ.ಡಿ. ಮಿಶ್ರಾ ಸೋಮವಾರ ಹೇಳಿದ್ದಾರೆ.
ಲಡಾಖ್ಗೆ ಈ ಹಿಂದೆ ಭೇಟಿ ನೀಡಿದ್ದ ಕಾಂಗ್ರೆಸ್ ನಾಯಕ ರಾಹುಲ್ ಗಾಂಧಿ, ಲಡಾಕ್ನಲ್ಲಿ ಭಾರತೀಯ ಭೂಪ್ರದೇಶದ ದೊಡ್ಡ ಭಾಗವನ್ನು ಚೀನಿಯರು ಆಕ್ರಮಿಸಿಕೊಂಡಿದ್ದಾರೆ ಎಂದು ಆರೋಪಿಸಿದ್ದರು.
ಈ ಕುರಿತು ಪ್ರತಿಕ್ರಿಯೆ ನೀಡಿದ ಮಿಶ್ರಾ, ನಾನು ರಾಹುಲ್ ಹೇಳಿಕೆಗೆ ಪ್ರತಿಕ್ರಿಯೆ ನೀಡಲು ಬಯಸುವುದಿಲ್ಲ. ಆದರೆ ಸತ್ಯ ವಿಚಾರದ ಕುರಿತು ಹೇಳಿಕೆ ನೀಡಲು ಬಯಸುತ್ತೇನೆ ಎಂದಿದ್ದಾರೆ.
1962 ರಲ್ಲಿ ಏನಾಗಿರಬಹುದು ಎಂದು ನನಗೆ ತಿಳಿದಿಲ್ಲ, ಆದರೆ ನಾನು ನನ್ನ ಕಣ್ಣುಗಳಿಂದ ನೋಡಿದ್ದೇನೆ. ಇಂದು ನಮ್ಮ ಭೂಪ್ರದೇಶದ ಒಂದು ಚದರ ಇಂಚು ಕೂಡ ಚೀನಿಯರು ಆಕ್ರಮಿಸಿಕೊಂಡಿಲ್ಲ. ನಮ್ಮ ಪಡೆಗಳು ನಮ್ಮ ಭೂಪ್ರದೇಶ ಕೊನೆ ಇಂಚಿನವರೆಗೂ ಕಾವಲು ಕಾಯುತ್ತಿವೆ ಎಂದು ತಿಳಿಸಿದರು.