ಫರೀದಾಬಾದ್ : ಎಲ್ಲಾರೂ ಎಲ್ಲಾ ಮಾಡುವುದು ಮಕ್ಕಳಿಗಾಗಿ ತಮ್ಮ ಮಕ್ಕಳು ಚೆನ್ನಾಗಿರಲಿ ಅನ್ನೋ ಉದ್ದೇಶದಿಂದ ತಂದೆ ತಾಯಿ ತಮ್ಮ ಜೀವನವನ್ನ ಲೆಕ್ಕ ಮಾಡದೇ ದುಡಿಯುತ್ತಾರೆ. ಜೀವನಪೂರ್ತಿ ಮಕ್ಕಳನ್ನ ಚೆನ್ನಾಗಿ ನೋಡಿಕೊಳ್ತಾರೆ. ಆದರೆ ಇಲ್ಲೊಬ್ಬ ಮಹಾತಾಯಿ ತನ್ನ ಸೀರೆಗಾಗಿ ಮಗನ ಪ್ರಾಣವನ್ನೇ ಪಣಕ್ಕಿಟ್ಟಿದ್ದಾಳೆ.
ಅಪಾರ್ಟ್ಮೆಂಟ್ನ 10ನೇ ಮಹಡಿಯಿಂದ 9ನೇ ಮಹಡಿಗೆ ಬಿದ್ದ ಸೀರೆಯನ್ನ ತಾಯಿಯೊಬ್ಬಳು ಮಗನನ್ನು ಮತ್ತೊಂದು ಸೀರೆಯಲ್ಲಿ ನೇತುಹಾಕಿ ಕೆಳಗಿಳಿಸಿರುವ ಆಘಾತಕಾರಿ ಘಟನೆ ಬಳಕಿಗೆ ಬಂದಿದೆ. ಹರಿಯಾಣದ ಫರಿದಾಬಾದ್ನಲ್ಲಿ ಈ ಘಟನೆ ನಡೆದಿದ್ದು, ವಿಡಿಯೋ ವೈರಲ್ ಆಗಿದೆ. 9ನೇ ಮಹಡಿಯಲ್ಲಿ ಬಿದ್ದ ತನ್ನ ಸೀರೆ ಮೇಲೆತ್ತಲು ಮಗನನ್ನು ಸೀರೆಯಿಂದ ಕೆಳಗಿಳಿಸಿದ್ದಾಳೆ. ಇದನ್ನು ಮುಂದಿನ ಅಪಾರ್ಟ್ಮೆಂಟ್ನ ವ್ಯಕ್ತಿಯೋರ್ವ ಮೊಬೈಲ್ನಲ್ಲಿ ಸೆರೆಹಿಡಿದಿದ್ದಾನೆ. ಆ ಹುಡುಗ ನಿಧಾನವಾಗಿ ಸೀರೆ ಹಿಡಿದು ಕೆಳಗಿಳಿದು ಅದೇ ಸೀರೆಯಿಂದ ಮತ್ತೆ ಮೇಲೆ ಬಂದಿದ್ದಾನೆ. ತಾಯಿಯ ಈ ಕೃತ್ಯ ಕಂಡು ನೆಟ್ಟಿಗರು ಆಕ್ರೋಶ ಹೊರಹಾಕಿದ್ದಾರೆ.
