ನವಸಾರಿ: ಗುಜರಾತ್ ನ ನವಸಾರಿಯಲ್ಲಿ ಶನಿವಾರ ಮಿನಿ ಬಸ್ ಮತ್ತು ಎಸ್ಯುವಿ ನಡುವೆ ಸಂಭವಿಸಿದ ಅಪಘಾತದಲ್ಲಿ ಕನಿಷ್ಠ 9 ಮಂದಿ ಮೃತಪಟ್ಟು, 25 ಮಂದಿ ಗಾಯಗೊಂಡಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ವೆಸ್ಮಾ ವೃತ್ತದ ಬಳಿಯ ರಾಷ್ಟ್ರೀಯ ಹೆದ್ದಾರಿ ೪೮ ರಲ್ಲಿ ಅಪಘಾತ ಸಂಭವಿಸಿದೆ ಎಂದು ನವಸಾರಿ ಗ್ರಾಮೀಣ ಪೊಲೀಸ್ ಇನ್ಸ್ಪೆಕ್ಟರ್ ಡಿ.ಕೆ.ಪಟೇಲ್ ಸುದ್ದಿಗಾರರಿಗೆ ತಿಳಿಸಿದರು.
ಫಾರ್ಚೂನರ್ ಎಸ್ಯುವಿ ವಲ್ಸಾಡ್ ನಿಂದ ಅಂಕಲೇಶ್ವರದ ಕಡೆಗೆ ಹೋಗುತ್ತಿದ್ದರೆ, ಐಷಾರಾಮಿ ಮಿನಿ ಬಸ್ ಅಹಮದಾಬಾದ್ ನಿಂದ ವಲ್ಸಾಡ್ ಗೆ ಹೋಗುತ್ತಿತ್ತು.
ಬಸ್ ಚಾಲಕನಿಗೆ ಹೃದಯಾಘಾತವಾಗಿದ್ದು, ಇದು ಅಪಘಾತಕ್ಕೆ ಕಾರಣವಾಯಿತು ಎಂದು ಪಟೇಲ್ ಹೇಳಿದರು.
ಮೃತಪಟ್ಟವರಲ್ಲಿ 8 ಮಂದಿ ಎಸ್ಯುವಿ ಮತ್ತು ಒಬ್ಬರು ಬಸ್ ನಲ್ಲಿ ಪ್ರಯಾಣಿಸುತ್ತಿದ್ದರು.
ಎಸ್ಯುವಿ ಏಳು ಮಂದಿ ಸ್ಥಳದಲ್ಲೇ ಮೃತಪಟ್ಟರೆ, ಒಬ್ಬರು ಚಿಕಿತ್ಸೆ ಫಲಕಾರಿಯಾಗದೆ ಆಸ್ಪತ್ರೆಯಲ್ಲಿ ಕೊನೆಯುಸಿರೆಳೆದಿದ್ದಾರೆ. ಎಸ್ಯುವಿಯಲ್ಲಿರುವ ಒಂಬತ್ತನೇ ಪ್ರಯಾಣಿಕನ ಸ್ಥಿತಿ ಚಿಂತಾಜನಕವಾಗಿದೆ ಎಂದು ಹೇಳಲಾಗಿದೆ.
ಎಸ್ಯುವಿಯಲ್ಲಿದ್ದ ಒಂಬತ್ತು ಜನರು ಅಂಕಲೇಶ್ವರದ ಪ್ರೊಲೈಫ್ ಬಯೋ-ಕೆಮಿಕಲ್ ಎಲ್ಟಿಡಿಗೆ ಸೇರಿದವರು ಎಂದು ಪ್ರಾಥಮಿಕ ಮಾಹಿತಿ ತಿಳಿಸಿದೆ.
ಏತನ್ಮಧ್ಯೆ, ಬಸ್ ಪ್ರಯಾಣಿಕರು ವಲ್ಸಾದ್ ಮೂಲದವರಾಗಿದ್ದು, ಅಹಮದಾಬಾದ್ ನಲ್ಲಿ ನಡೆದ ಬಿಎಪಿಎಸ್ ಪಂಥದ ಕಾರ್ಯಕ್ರಮಕ್ಕೆ ಭೇಟಿ ನೀಡಿ ಮನೆಗೆ ಮರಳುತ್ತಿದ್ದರು.
ಬಸ್ಸಿನಲ್ಲಿ ಒಟ್ಟು 30 ಪ್ರಯಾಣಿಕರಿದ್ದು, ಈ ಪೈಕಿ 25 ಮಂದಿ ಗಾಯಗೊಂಡಿದ್ದಾರೆ. 25 ಮಂದಿಯಲ್ಲಿ 17 ಮಂದಿಯನ್ನು ವಲ್ಸಾದ್ ಗೆ ಮತ್ತು ಇತರ 8 ಮಂದಿಯನ್ನು ನವಸಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.
