ಕಾಂಗ್ರೆಸ್ ಇರುವಾಗ ಕಾಲ್ಪನಿಕ ಕಥೆ ‘ಮನಿ ಹೈಸ್ಟ್ ‘ ಯಾರಿಗೆ ಬೇಕು: ಮೋದಿ ಟ್ವೀಟ್

ದೆಹಲಿ:  ಐಟಿ ಇಲಾಖೆಯಿಂದ ಚಲಾವಣೆಗೊಂಡ ನೋಟು ಕರೆನ್ಸಿಗಳ ರಾಶಿಯನ್ನು ಒಳಗೊಂಡಿರುವ ಬಿಜೆಪಿ ಪೋಸ್ಟ್ ಮಾಡಿದ ವಿಡಿಯೊವನ್ನು ಎಕ್ಸ್ ನಲ್ಲಿ ಹಂಚಿಕೊಂಡು ಮೋದಿ ‘ಭಾರತದಲ್ಲಿ,70 ವರ್ಷಗಳ ಕಾಲ ದಂತಕಥೆಯಾಗಿರುವ ಕಾಂಗ್ರೆಸ್ ಪಕ್ಷ ಇರುವಾಗ, ‘ ಮನಿ ಹೈಸ್ಟ್ ‘ ಕಾಲ್ಪನಿಕ ಕಥೆ ಯಾರಿಗೆ ಬೇಕು!  ಎಂದು ಬರೆದುಕೊಂಡು “ಕಾಂಗ್ರೆಸ್  ಪ್ರೆಸೆಂಟ್ಸ್ ಮನಿ ಹೈಸ್ಟ್” ಎಂಬ ಶೀರ್ಷಿಕೆಯೊಂದಿಗೆ  ಟ್ವೀಟ್ ಮಾಡಿದ್ದರು.

ಒಡಿಶಾದ  ಡಿಸ್ಟಿಲರಿಗಳ ಮೇಲಿನ ಸರಣಿ ದಾಳಿಯ ವೇಳೆ ಆದಾಯ ತೆರಿಗೆ ಇಲಾಖೆಯು ಸುಮಾರು ₹350 ಕೋಟಿ ಕಪ್ಪುಹಣ ಮತ್ತು ಸುಮಾರು 3 ಕೆಜಿ ಚಿನ್ನಾಭರಣಗಳನ್ನು ವಶಪಡಿಸಿಕೊಳ್ಳುವುದರೊಂದಿಗೆ, ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಲು ಪ್ರಧಾನಿ ಮನಿ ಹೈಸ್ಟ್ ಅನ್ನು ಉಲ್ಲೇಖಿಸಿದ್ದಾರೆ.

ದೇಶವಾಸಿಗಳು ಈ ಕರೆನ್ಸಿ ನೋಟುಗಳ ರಾಶಿಯನ್ನು ನೋಡಬೇಕು ಮತ್ತು ಅದರ (ಕಾಂಗ್ರೆಸ್) ನಾಯಕರ ಪ್ರಾಮಾಣಿಕತೆಯ ಭಾಷಣಗಳನ್ನು  ಕೇಳಬೇಕು. ಜನರಿಂದ ಲೂಟಿ ಮಾಡಿದ ಪ್ರತಿ ಪೈಸೆಯನ್ನು ಹಿಂತಿರುಗಿಸಬೇಕಾಗುತ್ತದೆ. ಇದು ಮೋದಿಯವರ ಗ್ಯಾರಂಟಿ  ಎಂದು ಮೋದಿ ಹೇಳಿದ್ದರು..

ಇದಕ್ಕೂ ಮುನ್ನ, ಶುಕ್ರವಾರದಂದು, ಮೋದಿ ಅವರು ಸಾಹುಗೆ ಸಂಬಂಧಿಸಿರುವ ವ್ಯಾಪಾರ ಗುಂಪಿನ ವಿವಿಧ ಸ್ಥಳಗಳಿಂದ ಐಟಿ ಇಲಾಖೆಯು ನಗದು ರೂಪದಲ್ಲಿ ವಸೂಲಿ ಮಾಡಿರುವ ಸುದ್ದಿ ವರದಿಯನ್ನು ಟ್ಯಾಗ್ ಮಾಡುವ ಮೂಲಕ ಕಾಂಗ್ರೆಸ್ ಅನ್ನು ತರಾಟೆಗೆ ತೆಗೆದುಕೊಂಡರು.