ನವದೆಹಲಿ: ದೆಹಲಿ ಕಸ್ಟಮ್ಸ್ ಅಧಿಕಾರಿಗಳು ಬುಧವಾರ 770 ಕೆಜಿ ಎನ್ ಡಿ ಪಿಎಸ್ ಸರಕುಗಳನ್ನು ದಹನ ಮತ್ತು ಇಟಿಪಿ (ತ್ಯಾಜ್ಯ ಸಂಸ್ಕರಣಾ ಘಟಕ) ಮೂಲಕ ನಾಶಪಡಿಸಿದ್ದಾರೆ .
ಮಾದಕ ದ್ರವ್ಯಗಳು ಮತ್ತು ಸೈಕೋಟ್ರೋಪಿಕ್ ವಸ್ತುಗಳು (ಎನ್ ಡಿ ಪಿಎಸ್) ನಾಶವಾಗಿದ್ದು, ಇದರಲ್ಲಿ 661.75 ಕೆಜಿ ಮೆಫೆಡ್ರೋನ್ ಮತ್ತು 108.251 ಕೆಜಿ ಹೆರಾಯಿನ್ ಇದೆ ಎಂದು ಹಿರಿಯ ಕಸ್ಟಮ್ಸ್ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
“ಆರೋಗ್ಯಕರ ಸಮಾಜ ಮತ್ತು ಸಮೃದ್ಧ ರಾಷ್ಟ್ರದ ಗುರಿಯನ್ನು ಸಾಧಿಸುವ ಸಲುವಾಗಿ ಭಾರತ ಸರ್ಕಾರವು ಮಾದಕವಸ್ತುಗಳಿಗೆ ಶೂನ್ಯ ಸಹಿಷ್ಣುತೆಗೆ ಒತ್ತು ನೀಡಿದೆ. ಈ ಮಂತ್ರವನ್ನು ಮುಂದುವರಿಸಲು, ನವದೆಹಲಿಯ ಕಸ್ಟಮ್ಸ್ ಪ್ರಿವೆಂಟಿವ್ ಕಮಿಷನರೇಟ್, ನವದೆಹಲಿಯ ಕಸ್ಟಮ್ಸ್ ಪ್ರಧಾನ ಆಯುಕ್ತರ ಸಮರ್ಥ ಮಾರ್ಗದರ್ಶನದಲ್ಲಿ 770 ಕೆಜಿ ಎನ್ಡಿಪಿಎಸ್ ಸರಕುಗಳನ್ನು ನಾಶಪಡಿಸಿದೆ ಎಂದು ಅಧಿಕಾರಿ ಹೇಳಿದರು.
ನವದೆಹಲಿಯ ಕಸ್ಟಮ್ಸ್ ಪ್ರಿವೆಂಟಿವ್ ಕಮಿಷನರೇಟ್ 2022-2023ರ ಆರ್ಥಿಕ ವರ್ಷದಲ್ಲಿ ಇದುವರೆಗೆ ಒಟ್ಟು 1,372.205 ಕೆಜಿ ಮಾದಕವಸ್ತುಗಳನ್ನು ನಾಶಪಡಿಸಿದೆ.
